သစ္စာဖြင့်ဖန်တီးသော(complete)

သစ္စာဖြင့်ဖန်တီးသော အပိုင်း(၃၇)

..............သစ္စာဖြင့်ဖန်တီးသော...............real bl  story
.........................အပိုင်း(၃၇).................................

ဂျူတီနေ့တစ်ဝက်ဘဲ ဝင်ရလို့ ပျော်နေတာတောင် မပြီးသေးဘူး ဒီညVIPလမ်းကြောင်းက ရှိုင်းတို့ရဲ့မြို့မှာ ခနဝင်နားမယ်ဆိုပြီး သတင်းရောက်လာသည်။

ထုံးစံအတိုင်း VIPလမ်းကြောင်းဆို ရှိုင်းတို့က လမ်းရှင်း၊ ပွိုင့်ပြေးပေါ့။

ဘယ်အချိန်လဲမေးတော့ ည၈နာရီ ဝင်မယ်တဲ့။
ရုံးကြီးမှာ ထမင်းစားခနနားမယ်။
ပြီးရင် ဆက်ထွက်မယ်တဲ့။

ရှိုင်းက မြို့အဝင် စပါးအင်း လမ်းဆုံမှာ စောင့်ရမှာ။
ဒီလမ်းဆုံက ရှိုင်းတို့မြို့အဝင်လမ်းနှင့် အဝေးပြေးလမ်းဆုံရာ အချက်အချာကြတဲ့နေရာလဲ ဖြစ်သလို  ကားအသွားအလာများသည့်နေရာတစ်ခုဖြစ်သည်။

အခု ဒီနေရာကနေ ဂျူတီချိန်ပြီးတာနဲ့ တာဝန်ကျနေရာကို သွားပါဟု ဆိုသည်။
စိတ်ပျက်ပါတယ်ဗျာ။

ဂျူတီချိန်လေးပြီးတာနဲ့ အူးဆီပြန်ပြေး၊ ညစာအူးရဲ့လက်ရာလေး အတူတူစားပြီး ကြည်နူးမလို့ပါဆိုမှ အခုတော့ ညဂျူတီပါဆက်ရအုံးမတဲ့။

ဒီအလုပ်ကို စိတ်ကုန်ရတဲ့အချက်မှာ ဒီလိုကိစ္စတွေလဲပါပါသည်။
ကိုယ်ပိုင်အချိန်၊ ကိုယ်ပိုင်ဘဝဆိုတာမရှိ။
ကိုယ့်သဘောဆိုတာမရှိ။
သူတို့သဘော၊ သူတို့အမိန့်ဘဲ။
အချိန်ပြည့် တာဝန်ချိန်ဆိုတာချည်းဘဲ။

ဒါတွေကြောင့် ရှိုင်းအလုပ်ထွက်ချင်တာ။
ဒီအလုပ်မှာ မပျော်ဘူး။
အိမ်က အတင်းဝင်ခိုင်းလို့သာ ဝင်ခဲ့ရတာ။
ဝါသနာမပါဘူး။

အခု ရှိုင်းရဲ့ဘဝထဲ အူးရောက်လာတော့ ပိုဆိုးတာပေါ့။
ရှိုင်းလွတ်လပ်ချင်တယ်။

လွတ်လွတ်လပ်လပ်ဘဝမျိုးနဲ့ အူးအနားမှာ အတူရှိချင်သည်။
ဘယ်အရာကိုမှ ထောက်ထားနေရတာမျိုး ၊ငဲ့ကြည့်နေရတာမျိုး မရှိဘဲ အူးနဲ့အတူ ဘဝကို ဖြတ်သန်းချင်သည်။

ဒီအလုပ်ကထွက်ပြီး ကော်ဖီဆိုင်လေးဖွင့်ချင်တာ ရှိုင်းရဲ့စိတ်ကူးပေါ့။
မနက်ဆိုအူးနဲ့အတူ အိမ်ကထွက်။
အူးက သူ့ရုံးသူသွား။ ရှိုင်းက ကော်ဖီဆိုင်ဖွင့်။
ညနေ အူးရုံးဆင်းရင် ဆိုင်ကိုလာပြီး ရှိုင်းကိုကူ။
ညကျ ဆိုင်လေးပိတ်ပြီး နှစ်ယောက်အတူ အိမ်ပြန်ကြ။