...........သစ္စာဖြင့်ဖန်တီးသော..............
real bl story ............အပိုင်း(၆၄).......ဖြူလွှလွှသဲသောင်ပြင်ပေါ်မှာ တစ်လှမ်းခြင်းလျှောက်နေမိသည်။
ခြေတစ်လှမ်း လှမ်းလိုက်တိုင်း ဖိနပ်မပါသည့် ခြေထောက်တွေက သဲထဲနစ်နစ်ဝင်သွားသည့် အရသာလေးကို သဘောကျလိုက်တာ။ကမ်းခြေ...ဟုတ်သားဘဲ။
ပြာလဲ့လဲ့မိုးသားအောက်မှာ စိမ်းညှို့နေသည့် ပင်လယ်ကြီးကို မြင်နေရသည်။အရမ်းလာချင်ခဲ့တဲ့ ပင်လယ်ကမ်းခြေကို ဇွဲရောက်နေပြီဘဲ။
ဒါပေမဲ့ ဇွဲတစ်ယောက်ထဲလား။
မဖြစ်နိုင်ပါဘူး...အဖြူလဲပါမှာပါ။ဇွဲထက်ကို အဖြူက ပိုပြီးရောက်ဖူးချင်နေတဲ့နေရာဘဲဟာ။
သင်တန်းကပြန်လာရင် ပင်လယ်ကြီးဆီလိုက်ပို့ပါဆိုပြီး ခနခနပူဆာ နေတာ။ဟော... ဟိုမှာ တွေ့ပြီ။
အဖြူက ပင်လယ်ကြီးကို မျက်နှာမူပြီး ဇွဲဘက်ကို ကျောခိုင်းထားသည်။"ဟေ့.. အဖြူလေး..''
ဇွဲခေါ်သံကြောင့်အဖြူက တစ်ချက်လှည့်ကြည့်လာပေမဲ့ ချက်ချင်းပြန်လှည့်သွားသည်။
ဘာကြောင့်ပါလိမ့်။"ဟြောင့်.. လာလေကွာ... ဟိုဘက်ကိုသွားရအောင်.......''
ခေါ်လိုက်မှပင် အဖြူက ပင်လယ်ရှိရာဘက်သို့ တဖြည်းဖြည်း သွားနေ တော့သည်။
"ဟေ့..အဖြူ.. ဘယ်ကိုလဲကွ.. အူးကဒီမှာလေ.. ဟေ့... ဘာလို့ပင်လယ်ထဲ.. ဆင်းသွားတာလဲ.. မသွားရဘူးလေ.. ဟေ့... အဖြူ..အဖြူ..''
ဇွဲဘယ်လောက်အော်နေနေ အဖြူက ဂရုမစိုက်၊ သူသွားစရာရှိတဲ့အတိုင်း တရွေ့ရွေ့သွားနေသည်။
နောက်ကနေ အော်ခေါ်ရင်း ပြေးလိုက်နေပေမယ့် အဖြူရဲ့အနားကို မရောက်နိုင်ဘဲ ဖြစ်နေပြန်သည်။
ရေထဲကို တရွေ့ရွေ့ဆင်းသွားသည့် အဖြူကိုလဲ စိတ်ပူနေမိသည်။"အဖြူရေ... အဖြူ... မသွားပါနဲ့.. အူးဒီမှာလေကွာ... အဖြူ.. အဖြူလေး... အဖြူရေ....''
အသံကုန်ဟစ်ခေါ်နေရင်း ဇောချွေးများဖြင့် လန့်နိုးသွားသည်။
"ဇွဲ... ဇွဲ.. မင်းသတိရလာပြီလား...''
စိုးရိမ်နေသည့် အသံဖြင့် မေးနေသည့် သင်တန်းက ကျောင်းသားခေါင်းဆောင် ကိုချစ်ဦး။
YOU ARE READING
သစ္စာဖြင့်ဖန်တီးသော(complete)
Romanceဖြစ်ရပ်မှန် Boy Love story -တည်ဆောက်ခဲ့တဲ့အရာရာတိုင်းဟာ သစ္စာနဲ့သာ ဖန်တီးဖြစ်ခဲ့မယ်ဆိုရင် ဘဝသံသရာ လည်နေသမျှ ခိုင်မြဲနေမယ်လို့ ငါယုံကြည်တယ်- #by အူး💕