Unicode
အခန်း(၈) - မြက်ညွှန့်လေး
"မြက်ညွှန့်?မြက်ညွှန့်!"
***
ဒီရက်အနည်းငယ်ကရှန်ကျစ်ရှန်းအတွက်အတော်လေးပင်ပန်းတဲ့နေ့ရက်တွေပင်။
ရန်ကျင်းနဲ့ပြောဆိုဆက်ဆံတာတွေစုန့်မင်းကိုယဉ်ကျေးပြုငှာစွာဆက်ဆံရတာတွေကတောင်သူ့အတွက်ပင်ပန်းတဲ့ကိစ္စမဟုတ်ဘူး။အနည်းဆုံးတော့အဲ့ဒီလူတွေကအသက်ရှိနေတယ်၊ပုံမှန်အတိုင်းအသက်ရှုနေကြပြီးသူပြောတာကိုနားလည်တဲ့သူ၊သူနဲ့ပြောဆိုဆက်ဆံနိုင်တဲ့သူတွေကြီးပဲ
"ခရစ်!"
စိမ်းပုတ်ရောင်သစ်ရွက်သဏ္ဍာန်လေးခေါင်းထိပ်ကနေထွက်နေတဲ့သေးငယ်တဲ့အညှောက်ပုံစံလေးကထိတ်လန့်လောက်စရာမြင်ကွင်းပဲ။၎င်းကရှန်ကျစ်ရှန်းကိုစိတ်အားထက်သန်စွာစိုက်ကြည့်နေပြီးသူ့သစ်ရွက်လက်သေးသေးလေးကိုသူ့ခေါင်းပေါ်တင်ပြနေတဲ့ပုံစံကရှုပ်ထွေးနေတဲ့ဆံပင်တွေကြားထဲဝင်ဖို့တောင်းဆိုနေသလိုပင်။
ရှန်ကျစ်ရှန်းကအသက်ကိုပြင်းပြင်းရှုလိုက်ပြီးထိုမြက်ညွှန့်လေးကိုခေါင်းမှကိုင်မလိုက်သည်။ထိုအသေးလေးအားဖက်ထုပ်ဖြစ်အောင်လိပ်ပြီးအဝေးလွှင့်ပစ်ချင်နေတဲ့စိတ်ကိုဖိနှိပ်ရင်းနဲ့ဆိုးယုတ်တဲ့ပုံစံသိပ်မပေါက်စေဖို့သူ့အမူအယာကိုထိန်းနေရ၏။သူကအံကိုကြိတ်ရင်းပြောလိုက်သည်။
"နောက်တစ်ခေါက်ကျရင်ငါ့ခေါင်းပေါ်မှာအသိုက်လုပ်ချင်တယ်လို့ထပ်မပြောနဲ့"
သူကသာမာန်လူကြီးတစ်ယောက်ပါပြီးတော့ဒီအစိမ်းကောင်လေးကိုသူ့ခေါင်းပေါ်လုံးဝမတင်ချင်ဘူး!
သူ့လက်ဖဝါးထဲမှထိုသေးငယ်တဲ့အစိမ်းရောင်အညွှန့်လေးကနာခံမှုရှိတဲ့ကလေးလေးတစ်ယောက်လိုသူ့သစ်ရွက်လက်လေးအားလှုပ်ရမ်းနေပြီးအပြစ်ကင်းစင်စွာအော်လိုက်သည်။
"မင်းလုပ်သမျှကခရစ်၊ခရစ်၊ခရစ်ဆိုတာကြီးပဲ...မင်းကစာကလေးပေါက်စမို့လို့လား..."
ရှန်ကျစ်ရှန်းကရေရွတ်ရင်းဖြင့်ပတ်ပတ်လည်ကိုကြည့်လိုက်သည်။ထို့နောက်သူ့လက်ထဲကအရာလေးအားကြွေပုလင်းထဲထည့်လိုက်ပြီးသတိပေးသည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
