Unicode
အခန်း(၅၄-၂) - ရုပ်သေး
ရှန်ကျစ်ရှန်း စစ်ဆေးကြည့်လိုက်သောအခါ တားမြစ်ခန်းရဲ့ ကန့်သတ်ချုပ်ချယ်မှုက လုံးဝကြီး ပွင့်သွားတာ မဟုတ်သော်လည်း ဆက်သွယ်ရေးဆိုင်ရာ ထိန်းချုပ်မှုကတော့ ကျိုးပျက်သွားပြီဆိုတာအား တွေ့ရှိလိုက်ရသည် — ဆိုလိုတာကတော့ အကယ်၍ သူတို့ ကန့်သတ်ချုပ်ချယ်မှုကို ရိုက်ချိုးပြီး ထွက်ရင်တောင် တစ်ခြားသူတွေကို သတိပေးနိုင်မှာ မဟုတ်တော့ဘူး
ရှန်ကျစ်ရှန်းရဲ့ စိတ်က တုန်လှုပ်သွားသည်။ သူဆုံးဖြတ်ချက် မချရသေးခင်မှာပဲ အနက်ဝတ်နဲ့လူက တစ်စုံတစ်ခုကို အာရုံရလိုက်သလိုမျိုး ရုတ်တရက် လှည့်ပြီး ထွက်ပြေးသွားတယ်!
သူ့ကိုကြည့်ရတာ ဖြည်းညှင်းပြီး နှေးကွေးတဲ့ သစ်သားလို လူတစ်ယောက်နဲ့တူပေမယ့် ပြေးတာကတော့ မြန်ဆန်နေရောပဲ။ ထိုလူက မကြာခင် ပျောက်ကွယ်သွားတာကြောင့် ဒီနေရာနဲ့ အရမ်းကို ရင်းနှီးနေပုံရတယ်လေ။
ရှန်ကျစ်ရှန်းက နှာမှုတ်လိုက်သည်။ တုံ့ဆိုင်းမှု မရှိစွာပင် သူ့လက်တစ်ဖက်က ရန်ကျင်းရဲ့လက်ကို ဆွဲလိုက်ပြီး တစ်ခြားလက်တစ်ဖက်ကတော့ ဓားကို ဆွဲထုတ်လိုက်၏။ အေးစက်သည့် ဓားချီက ကန့်သတ်ချုပ်ချယ်ထားမှုကို ဖျတ်ဆီးပစ်လိုက်ပြီး ထိုလူနောက်ကို လိုက်ပါသွားသည့် သူ့အကျီၤစများက လေအလျင်မှာ တစ်ဖြတ်ဖြတ်ဖြစ်နေသည်။
သူတို့ထွက်သွားပြီးပြီးချင်းမှာပဲ စိတ်ဝိညာဉ်သခင် ချုန်းယွီက လူတစ်ချို့နဲ့ ရောက်လာကာ တားမြစ်ခန်းက ဗလာဖြစ်နေပြီး ကန့်သတ်ချုပ်ချယ်မှုက ပျက်စီးနေသည်ကိုသာ မြင်တွေ့ရလေသည်။ စိတ်ဝိညာဉ်သခင် ချုန်းယွီရဲ့ မျက်နှာက အရုပ်ဆိုးသွားသည်။ သူက အံကိုကြိတ်ရင်း စကားနှစ်လုံးသာ ရေရွတ်လာ၏။
"ရန်ကျင်း!"
ထို့နောက် အက်ကွဲနေသည့် လေသံဖြင့်
"ဒီအမုန်းတရားနဲ့ဆိုရင် ငါတို့အတူတူ မိုးကောင်းကင်တစ်ခုအောက်မှာ နေလို့မရတော့ဘူး, ငါ, ချုန်းယွီဂိုဏ်းနဲ့ မင်းက လုံးဝ ညှိလို့ မရတော့တဲ့ သူတွေပဲ!"
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
