Unicode
အခန်း(၃၄-၁) - ဝိညာဉ်လေးများ
တစ်ခဏမျှ ကမ္ဘာကြီး တစ်ခုလုံး တိတ်ဆိတ်သွားသည်။ သူတို့ပတ်ဝန်းကျင်က ရုန်းရင်းဆန်ခတ်မှုများက ဒီရေလို ကျဆင်းသွားပြီး သွားလာလှုပ်ရှားနေတဲ့ လူများစွာက ထင်ယောင်ထင်မှားအဖြစ် မှုန်ဝါးသွားကာ ရန်ကျင်းတစ်ယောက်တည်းသာ အစစ်အမှန်ဖြစ်နေသလိုပင်။
သူ့ရဲ့ 'ဆရာ' ဆိုတဲ့ စကားက ရှန်ကျစ်ရှန်းရဲ့ နားထဲမှာ ပဲ့တင်ထပ်နေသည်။
ရှန်ကျစ်ရှန်းမှာ လှောင်ပြောင်ဟန်ဖြင့် တွေးမိသည်။
သူ့ရဲ့ရုပ်ဖျက်ထားမှုကရော? သူ့ရဲ့ ကြီးကြီးမားမား ရုပ်ဖျက်ထားမှုကြီးကရောလို့?
မရေမတွက်နိုင်တဲ့ အတွေးများစွာက သူ့စိတ်ထဲမှာ ဖရိုဖရဲဖြစ်နေသော်လည်း အဆုံးမှာတော့ အတွေးတစ်ခုတည်းသာ ကျန်ရစ်ခဲ့သည်။
ရန်ကျင်းကို နေရာမှာတင် အတိတ်မေ့သွားအောင် လုပ်လိုက်နိုင်ရင် ကောင်းမယ်
ဆွေ့ရှန်းအနေနဲ့ သရုပ်ဆောင်ပြီးနောက်မှာ ရှန်ကျစ်ရှန်းအနေနဲ့ ရန်ကျင်းရဲ့ ဆရာအဖြစ် ပြန်သွားဖို့က တပါး ရွေးချယ်စရာ မရှိတော့ပေ။ သူက သူ့လက်ကောက်ဝတ်ပေါ်က ရန်ကျင်းရဲ့လက်ကို တည်ငြိမ်စွာ ဖယ်ရှားလိုက်ပြီး သူ့ရဲ့ ခေါက်ယပ်တောင်အား ရန်ကျင်းရဲ့လက်ထဲ ထည့်ပေးလိုက်သည်။ အသက်ကို ပြင်းပြင်းရှုပြီးနောက်မှာတော့ စိတ်ရင်းမှန်လှစွာ စကားစလိုက်၏။
"တကယ်တော့ငါက......"
--ရုတ်တရက် ပြောင်းလဲမှုကြီးတစ်ခု ဖြစ်ပေါ်သွားသည်။
ဘယ်သူမှ အာရုံမစိုက်မိလို့လား ဒါမှမဟုတ် ဘယ်သူမှ ဂရုမစိုက်မိလို့လားတော့ မသိပေမယ့် လျို့ဝှက်နယ်မြေက ရပ်တန့်နေပေမယ့်လည်း အဖြူရောင်မြူခိုးများကတော့ နေရာအနှံ့မှာ ပြန့်ကျဲနေသည်။ မြူခိုးလမ်းကြောင်းတစ်ခုက ရှန်ကျစ်ရှန်းရဲ့ ခြေကျင်းဝတ်တစ်ဝိုက်မှာ လှည့်ပတ်လာပြီးနောက် တိတ်တဆိတ်ဖြင့် သူ့အင်္ကျီအနားစပေါ်ကို လျင်မြန်စွာတက်လာသည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
