(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)

Chapter(72) - ပြန်လည်ပေါင်းစည်းမှု

Unicode

အခန်း(၇၂) - ပြန်လည်ပေါင်းစည်းမှု

သူ့ရဲ့ အထောက်အထားနှင့် တစ်ခြားသော ကြိုတင်ပြင်ဆင်မှုများကြောင့် ရှန်ကျစ်ရှန်း၏ ချင်းယွင်ဂိုဏ်းချုပ် ရာထူး လွှဲပြောင်းမှုသည် စုန့်မင်းထက် များစွာ ချောမွေ့ခဲ့သည်။

သူက ဂိုဏ်းသားများအားလုံးကို စုန့်မင်း၏ အပြစ်များအား ဖော်ထုတ်လိုက်ပြီး ထိခိုက်ခဲ့ရသည့် ဂိုဏ်းငယ်လေးများအားလည်း နှစ်သိမ့်သည့်အနေဖြင့် စာများ လက်ဆောင်များ ပို့ပေးလိုက်သည်။ သူက အမှားတစ်ဝက် အမှန်တစ်ဝက်ဖြင့် ရှိသမျှ အပြစ်အားလုံး စုန့်မင်းပုခုံးပေါ်သို့ တွန်းချပစ်လိုက်၏။

ထိုဂိုဏ်းငယ်လေးများ၏ ဂိုဏ်းချုပ်များသည် ကြီးမားလှသည့် လက်ဆောင်များစွာကို လက်ခံရရှိခဲ့သော်လည်း အနည်းငယ် မလိုလား ဖြစ်နေကြသေးသည်။ သို့သော်လည်း မကြာသေးမီက တွေကြုံခဲ့ရသည့် ဒေါသတကြီး မိစ္ဆာများနှင့် နတ်ဆိုးများသည် သူတို့ကို လုံလောက်အောင် အထိနာစေခဲ့သည်လေ။ အခုချိန်မှာ ချင်းယွင်ဂိုဏ်းက သဘောထားများ ထုတ်ပြလာတာကြောင့် အချိန်အတော်ကြာ ချီတုံချတုံ ဖြစ်နေပြီးနောက်မှာ သူတို့တွေ သည်းခံနိုင်သေးကြောင်း တွေ့ရှိသွားရသည်။

ဘယ်လောက်ပဲ ဆိုးဝါးနေပါစေ ဒါက ကျောက်ခဲကို ကြက်ဥနဲ့ ရိုက်သလိုပဲ ဖြစ်မှာလေ။

အချိန်တွေ တဟုန်ထိုး ကုန်ဆုံးသွားပြီး တခဏချင်းမှာပဲ တစ်နှစ် ကြာသွားခဲ့သည်။

ထိုနှစ်များအတွင်း ရှန်ကျစ်ရှန်းနှင့် ရန်ကျင်းတို့သည် သီးခြားနေရာများတွင် ရှိနေကြပြီး နှစ်ယောက်လုံးမှာ ကိုယ်ပိုင်အလုပ်များစွာဖြင့် အလွန်အလုပ်များနေခဲ့ကြ၏။ ရံဖန်ရံခါမှသာ ရန်ကျင်းက ပုံရိပ်ယောင်အဖြစ် တွေ့ဆုံခဲ့ကြကာ လရောင်အောက်တွင် ခဏလောက် ပွေ့ဖက်ထားနိုင်ခဲ့ကြသည်။

စတုတ္ထအကြီးအကဲက တစ်စုံတစ်ခုကို ခန့်မှန်းနိုင်ခဲ့ပေမယ့် ရှန်ကျစ်ရှန်းက ထုတ်မပြောတာကြောင့် သူလည်း ဘာမှ မပြောနိုင်ခဲ့။ သူတို့က လူငယ်တွေပဲလေ ဟုသာ တွေးမိသည် ; သူက ဒီအတိုင်း အသက်ကြီးနေပြီဖြစ်တဲ့ တစ်ကိုယ်တည်းလူပဲလေ။ ဝင်မပါတာ အကောင်းဆုံးပဲ