Unicode
အခန်း(၄၂-၁) -မူးရစ်ခြင်း
ယွီယွီသည် နောက်ဆုံးတော့ ပင်လယ်ထဲ ပြန်ဆင်းသွားခဲ့သည်။ သူထွက်ခွာသွားပြီးနောက်မှာ လှိုင်းလုံးများလည်း လျင်မြန်စွာ ကျဆင်းသွား၏။ သူထိုင်နေတဲ့ ကျောက်တုံးက ရုတ်တရက် မီးခိုးငွေ့များအဖြစ် ပြောင်းလဲသွားခဲ့ကာ ရေထဲမှာတစ်ဝက်လောက် မြှုပ်နေသည့် ရေခဲခေါင်းတစ်လားတစ်ခု ပေါ်လာသည်။
ခေါင်းတလားက ဖောက်ထွင်းမြင်ရလု နီးပါးပင်။ ရှန်ကျစ်ရှန်းက ခေါင်းတလားအား တစ်ချက်ကြည့်လိုက်သောအခါ အထဲက အရာဝတ္တုနှစ်ခုက အလင်းနှစ်ခုအဖြစ် ပြောင်းလဲသွားခဲ့ပြီး ပင်လယ်ထဲ နစ်မြှုပ်သွားသည်ကို မြင်နေရသည်။
ရေခဲခေါင်းတလားသည်လည်း အသံတစ်ခုနဲ့အတူ ကွဲအက်လာသည်။ လျှို့ဝှက်နယ်မြေတစ်ခုလုံးက တုန်ယင်လာခဲ့ပြီး ပါးလွှာတဲ့ ဧ
ငွေရောင်အက်ကွဲကြောင်းများ စတင်ဖြစ်ပေါ်လာ၏။ ရန်ကျင်းက ရှန်ကျစ်ရှန်းရဲ့ လက်ကောက်ဝတ်အား ဖမ်းဆုပ်လိုက်ပြီး တွန့်ဆုတ်မှု မရှိစွာပင် ကွဲအက်နေတဲ့ ရေခဲခေါင်းတလားဆီသို့ ခုန်ဝင်ပစ်လိုက်လေသည်။
ရှန်ကျစ်ရှန်းက သတိလက်လွတ်ဖြင့် သူ့မျက်လုံးများကို မှိတ်လိုက်ပြီး နောက်တစ်ခဏမှာ အေးစက်တဲ့ အာရုံခံစားမှု တစ်ခုက သူ့ခန္တာကိုယ်အနံ့ ပြန်နှံ့သွားသည်ကို ခံစားလိုက်ရသည်။ သူမျက်လုံး ပြန်ဖွင့်ကြည့်လိုက်တဲ့ အခါမှာတော့ သူတို့တွေ ရှင်းမြို့ထဲ ပြန်ရောက်နေပြီ ဆိုတာအား သိရှိသွားရသည်။
အတိတ်တုန်းကတော့ ဒီလျှို့ဝှက်နယ်မြေက လူတွေကို မျိုချပြီးနောက်မှာ တိတ်တဆိတ် လွင့်မျောသွားလိမ့်မည်။ သို့သော် မကြာသေးခင် နှစ်များမှာ နတ်ဆိုးချီ ချို့တဲ့ခဲ့ပြီး ပိုပိုအားလျော့လာခဲ့သည်လေ။ ဒီတစ်ခေါက်တော့ မျိုချခဲ့ရသူက အများကြီး ရှိနေခဲ့၏။
လျို့ဝှက်နယ်မြေက ရန်ကျင်း အတင်းအကြပ် ဖွင့်လိုက်ပြီးနောက်မှာ ပိတ်ပြီး ကျန်ရစ်ခဲ့သည်။ သို့သော်လည်း ထွက်မသွားချင်သေးတာကြောင့် အပြင်ဘက်တွင် နေ့တိုင်း လှည်ပတ်သွားလာနေကြသည့် ကျင့်ကြံသူများ အများအပြား ရှိနေသေးသည်ပင်။ ဒီအချိန်မှာ လျှို့ဝှက်မြေက ရုတ်တရက် လူပေါင်းများစွာကို ထွေးထုတ်ပြီး ပျောက်ကွယ်သွားတာကို မြင်လိုက်ရတာကြောင့် သူတို့အားလုံး အံ့အားသင့်ကုန်ကြသည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
