Unicode
အခန်း(၁၃) - မြန်မြန်လေး
ထိုနေ့ကဝမ်းနည်းဖွယ်ရာဓားလေ့ကျင့်သင်ခန်းစာပြီးနောက်မှာရှန်ကျစ်ရှန်းသည်ရန်ကျင်းရှေ့ကသူ့ရဲ့ပုံရိပ်လေးလုံးဝပျက်စီးသွားပြီလို့ခံစားခဲ့ရသည်။ထိုအချိန်ကစပြီးသူကပြန်တည်ဆောက်ဖို့ပျင်းရိသွားတော့၏။
ဘယ်လိုပဲဖြစ်ဖြစ်လေ,အခုရန်ကျင်းကဒီလိုရှက်စရာကောင်းတဲ့ကိစ္စမျိုးကိုတောင်မြင်ပြီးသွားပြီဆိုမှတော့ဆက်ပြီးသရုပ်ဆောင်နေတော့ရောဘာများကောင်းမှာမို့လို့လဲ?
သရုပ်ဆောင်ရတာကလည်းပင်ပန်းတာပဲ..
ရှန်ကျစ်ရှန်းသည်စောင်ပေါ်မှာလူးလှိမ့်နေရင်းဖြင့်တည်ငြိမ်စွာစဉ်းစားနေသည်။အဆုံးမှာတော့သူ့အနေနဲ့သူ့ရဲ့အတွင်းပိုင်းအလှကိုသာမှီခိုပြီးဆရာကောင်းကောင်းတစ်ယောက်ဖြစ်အောင်လုပ်ကာသူ့တပည့်ရဲ့အသိအမှတ်ပြုမှုကိုရအောင်လုပ်ရတော့မည်။
ထို့ကြောင့်,ခါးနာသွားရတဲ့မတော်တဆပြီးနောက်မှာရန်ကျင်းသည်ရှန်ကျစ်ရှန်းရဲ့မတူညီတဲ့မြင်ကွင်းမျိုးစုံနဲ့ထိပ်တိုက်တွေ့ရတော့၏။
ရှန်ကျစ်ရှန်းကငါးစားပြီးငါးရိုးစူးတယ်
ရှန်ကျစ်ရှန်းကအိပ်ယာပေါ်မှာပျင်းရိစွာနဲ့အိပ်နေရင်းရှောင်းချောင်ယနဲ့ရန်ဖြစ်တယ်
ရှန်ကျစ်ရှန်းကဓားကစားနေရင်းအာရုံထွေပြားလာပြီးဓားကိုလွှတ်ချလိုက်တာကြောင့်ရှောင်းချောင်ယကိုအပြောင်ရိတ်ခါနီးဖြစ်သွားမယ်ပြီးတာနဲ့သိပ်မကြာခင်ပဲလူတစ်ယောက်နဲ့မြက်ညွှန်ပေါက်စတစ်ခုတို့ကနောက်တစ်ကြိမ်ပြန်ပြီးရန်ဖြစ်ကြမယ်....စသဖြင့်တို့ကနေ့စဉ်ဖြစ်နေသည်။
ရန်ကျင်း, "..."
ရန်ကျင်းရဲ့စိတ်ခံစားချက်ကအတော်လေးရှုပ်ထွေးနေသည်။
ဒါကမှသူသိထားတဲ့တကယ့်ရှန်ကျစ်ရှန်းလား?ဒါမှမဟုတ်တကယ်ပဲလူစားထိုးသွားတာလား....
ထိုအချိန်မှာရှန်ကျစ်ရှန်းကတော့သူ့ပုံရိပ်ကိုအဆုံးရှုံးခံလိုက်တဲ့ရလဒ်ကချက်ချင်းအကျိုးဖြစ်ထွန်းသွားကြောင်းအံ့အားသင့်စွာဖြင့်ရှာဖွေတွေ့ရှိသွားသည်။ဒီလောက်ပင်ပင်ပန်းပန်းကြိုးစားနေတုန်းကတော့ဒီလူရဲ့တစ်စိတ်တစ်ပိုင်းလေးကိုတောင်နူးညံ့အောင်မလုပ်နိုင်ခဲ့ပဲနဲ့သူ့ရဲ့ပေါက်ကရပေါင်းသောင်းခြောက်ထောင်ကိုမြင်မှပဲဒီလူရဲ့စိတ်လေးကနောက်ဆုံးမှာတုန်လှုပ်လာလိမ့်မယ်လို့ဘယ်တုန်းကမှမထင်ထားခဲ့မိဘူး။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
