Unicode
အခန်း(၅၉) - အတိတ်
အမှောင်ထုထဲမှာ တင်းတင်း ဆုပ်ကိုင်ထားသည့် လက်များကို ခွဲထုတ်ရန် ကြိုးစားနေသည့် အင်အားကြီး အရာတစ်ခု ရှိနေသည်။
ရှန်ကျစ်ရှန်းက ရန်ကျင်းရဲ့ လက်ကို ဆုပ်ကိုင်ထားနိုင်ရန် သူ့မှာ ရှိသမျှ အားအကုန် သုံးပြီးနေလေပြီ။ ရန်ကျင်းလည်း တူညီစွာ လုပ်ဆောင်နေသည်ကို သူခံစားလို့ ရနိုင်သည်။ သို့ပေမယ့် ထို လျှို့ဝှက်ဆန်းကြယ်တဲ့ စွမ်းအားကို မခံနိုင်တော့ပဲ ကွဲကွာသွားကြရ၏။
အမှောင်ထုထဲမှာ ရန်ကျင်းက သူ့ဘေးနားကနေ့လက်ချောင်းများကြားထဲက သဲမှုန်များ တစ်ဖြည်းဖြည်း ကျဆင်းသွားသလိုမျိုး ခွဲခွာသွားနေသည်ကို ခံစားနေရသည်။
"အားကျင်း!" သူအော်ခေါ်လိုက်သော်လည်း လေထုကြောင့် သူ့အသံက အပိုင်းပိုင်းအစစ ပြန့်ကျဲသွားရ၏။ ဒီလိုနဲ့ပဲ သူ့အသံကိုလည်း မကြားရသလို ရန်ကျင်းရဲ့ အသံကိုလည်း မကြားရတော့။
သူကြားသမျှမှာ ထောင်ပေါင်းများစွာသော နတ်ဆိုးများနှင့် ရာနှင့်ချီသော သရဲတစ္ဆေများ အော်ဟစ်နေသလိုမျိုး မရေမတွက်နိုင်အောင် ထူးဆန်းသည့် အူသံများသာ ကြားနေရသည်။
သူ့လက်ချောင်းထိပ်ဖျားက နွေးထွေးမှုလည်း ပျောက်ပျာက်သွားတဲ့အချိန်မှာ ရှန်ကျစ်ရှန်းက အံကို တင်းတင်းကြိတ်လိုက်ပြီး မျက်လုံးများမှိတ်လိုက်ကာ သူ့နှလုံးသား အောက်ခြေမှ တစ်ဆင့် 'နှင်းခဲပြန်လာဓား' ရဲ့ ဓားဝိညာဉ် အား ဆင့်ခေါ်လိုက်သည်။
'နှင်းခဲပြန်လာဓား' ၏ဓားဝိညာဉ်သည် မကြာသေးမီက နိုးထလာမည့် လက္ခဏာများ မရေမရာ ပြနေသော်လည်း ၎င်းသည် ခဏတာမျှသာ ထွက်ထွက်လာတတ်တာဖြစ်သည်။ ရံဖန်ရံခါမှာ နိုးထဖို့ ချီတုံချတုံ ဖြစ်နေသည့် ကလေးတစ်ယောက်လိုမျိုး လှုပ်ရှားသွားတတ်သည်။ ယခုတော့ ရှန်ကျစ်ရှန်းက မစောင့်နိုင်တော့ပေ။
ဒီနေရာက ထူးဆန်းလွန်းနေသည်။ သူတောင် ခဲယဉ်းစွာ လှုပ်ရှားနေရာတာမို့ 'နှင်းခဲပြန်လာဓား' ၏ဓားဝိညာဉ်ကိုသာ နောက်ဆုံးအားကိုးရာအဖြစ် အတင်းအကြပ် နိုးထစေရတော့မှာဖြစ်သည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
