Unicode
အခန်း(၂၄-၂) - အမှန်တရား
ရှန့်ရှန်ကထိတ်လန့်ပြီးဆွံ့အနေသော်လည်းထွားကြိုင်းသည့်လူငယ်လေးကတော့ကိစ္စတွေကမကောင်းတော့မှန်းသတိပြုလိုက်မိပြီးချက်ချင်းထအော်တော့သည်။
"ဟေး!ရန်ဘာဆိုတဲ့အကောင်,ငါမကစားတော့ဘူး..မင်းပြောတော့ငါ့ကိုလုံခြုံစေရပါမယ်ဆို,ငါသွားပြီ!"
သူကစတင်ပြီးရုန်းကန်လာသော်လည်းအကြီးအကဲရဲ့ကိုယ်ပိုင်တပည့်ဆီကနေတင်းတင်းကြပ်ကြပ်ချုပ်နှောင်ခံထားရသည်။
သူကပထမနေရာကိုအနိုင်ရခဲ့သော်လည်းသူ့ပြိုင်ဘက်များကဒီအတိုင်းသေးငယ်တဲ့တပည့်လေးများသာဖြစ်ပြီးဂိုဏ်းထဲတရားဝင်မဝင်ရောက်နိုင်သေးတဲ့သူများဖြစ်ကြသည်လေ။တကယ်တော့သူကသာမာန်နတ်ဆိုးကျင့်ကြံသူတစ်ယောက်သာဖြစ်သည်။စကားအနည်းငယ်နဲ့တင်ပြင်းပြင်းထန်ထန်သစ္စာဖောက်ပြီးရန့်ရှန်ကိုရောင်းစားလိုက်တော့၏။
ရန့်ရှန်သည်ရုတ်တရက်ပင်,သူ့ဘေးနှစ်ဖက်လုံးမှာရန်သူရှိနေတဲ့အခြေအနေဖြစ်နေကြောင်းသိသွားရသည်။သူ့မျက်နှာကပြာလိုက်ဖြူလိုက်ဖြစ်နေပြီးသူ့နှုတ်ခမ်းများကတုန်ယင်နေကာသူ့ပါးစပ်ကတော့ 'အကုန်လုံးအတုတွေ' ဆိုတဲ့စကားတစ်ခွန်းတည်းကိုသာထပ်ခါထပ်ခါရေရွတ်နေသည်မှာနောက်ဆုံးကျယ်သထက်ကျယ်လာပြီးအသံများအက်ရှလာသည်အထိပင်။
ရှန်ကျစ်ရှန်းကသူ့ရဲ့မျှော်လင့်ချက်မဲ့နေသည့်အချည်းနှီးရုန်ကန်မှုကိုလစ်လျူရှုလိုက်ကာသူ့အကြည့်ကိုစုန့်မင်းဆီရွှေ့လိုက်သည်။
"ဒီကိစ္စကပြီးပြည့်စုံအောင်ရှင်းလင်းရမှာပါ...ရန့်ရှန်ကနတ်ဆိုးကျင့်ကြံသူနဲ့ပူးပေါင်းကြံစည်ပြီးဓားပြိုင်ပွဲညီလာခံကိုနှောင့်ယှက်ခဲ့တဲ့အပြင်တစ်ခြားသူတွေကိုပါဆွဲထည့်ခဲ့တယ်,အားလုံးကအဓိကအပြစ်တွေကြီးပဲမို့လို့ဘယ်တော့မှခွင့်မလွှတ်နိုင်ပါဘူး"
စုန့်မင်းကမျက်မှောင်ကျုံ့နေသည်။ဓားလမ်းကြောင်းရှိသူ့ပါရမီကသိပ်မမြင့်မားပေ။ထို့ကြောင့်ဆက်စပ်တဲ့အရာတွေကိုမမြင်နိုင်ဘူးဖြစ်နေသည်။သီအိုရီအရပြောရမယ်ဆိုရင်ဓားဝိညာဉ်ကသူ့သခင်တစ်ယောက်တည်းရဲ့ခေါ်သံကိုသာလိုက်နာတာဖြစ်သည်။ဒါပေမဲ့ရှန်ကျစ်ရှန်းကတော့မတူဘူး....
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
