أعوف الناس كلها و أحلم بسَدك
فراغك شمس محد يكدر يسدك ✨
سد الباب خلفه تطغى تعابير من الحنق على ملامحه بعد ما واجه مشهد مشابه بمكتب والده ، هو أتصل عليه بهذا الوقت من الليل حتى يجي بخصوص موضوع مهم و ميتأجل بلأول توقع كونه قاصد عملية باجر بس تلاشت الفكرة بعد وجود الثاني بمنتصفهم
" هذا شديسوي هنا ، مو كلت ما يفوت للبيت بعد "
تحدث فراق بغضب ناحية والده بدون ما تتشتت أنظاره عن بشير الي جالس يشرب شاي بكل هدوء كان يستفزه
" لو مو هذا جان هسه أنت مشتبه بي بجريمة أكبر من راسك ، أكعد "
نهره والده بختام كلامه جاعل من تساؤلات عديدة تراودة
حتى أتجه يجلس قبال بشير على الكرسي الثاني الفارغ
و ما طال الأمر ألا أن أشر والده للأخر حتى يبدي يتحدث
" وصلتنا خبرية قبل أيام على مجزرة بأعداد قتلى مو طبيعي بجهة الشمال و رحت حتى أشوف الي صاير هناك "
تكلم بشير يشرح للثاني الي صار وياهم بأخر فترة
و الي وصله واقعياً الهم بغرابة موقف حصل ويا
" زين واني شكو ! "
تساءل فراق يرفع وحده من حواجبه على الأمر الي أبتدوا يتكلمون بي و ما فهم للان شنو دخله بالموضوع برمتة
" لقيت شي يخصك بموقع الحادث "
جاوبه بشير بهدوء و ما أوشك يتكلم حتى قدم والده اله
خاتم خطوبته جاعل من صمت يعم المكان لدقايق
" ما كان دليل مهم حيل بس قليل موجود منه و ذاتاً أسم عائلتك محفور عليه "
أكمل بشير يأشر على خاتم الثاني الي كان شارد بجهة من الأرض و هو لازال يذكر من أبتغوا يرجعون لبغداد و واحد منهم أحضره اله بأستغراب شديد من وجوده بمنتصف الجريمة و هو ميزة من حفر كلمة الضاحي بخلفية الخاتم
" وين لقيته بالضبط ؟ "
تساءل فراق بهدوء يتلمسه بعيون مرتبكة بتساؤلات تزداد بعد كل لحظة من تذكر كونه أخر شي كان يم ساطور و ما قبل ينطي اله لأخر يوم
" بين الجثتت "
جاوبه بشير بسلاسة يعاين أضطراب فراق الي شرب من المي قبالته على ذات الوتيرة من السكون المثير للريبة
" ميت ! "
تحدث يناظر بشير الي طغت ملامح الأستفهام عليه
عن الشخص الي يقصده بالضبط
" الي كان شايله "
فسر فراق للأخر و بالوقت الي كان متوقع يشوفه على اي لحظة تفاجئ من صار أمر وفاته مطروح
" كلها ميتة و نتوقع أكو مجموعة طلعت بأمان من أثار الشاحنة الضخمة بس أتصور الشخص هذا بالذات مقتول "
تحدث بشير بوجهة نظر كانت منطقية صحيح ما كان بأيد واحد من القتلى بس وجوده بمنتصفهم كان خير دليل على وفاته
