Unicode
ဟောပိုင်က ပါးစပ်ထဲမှ သွားတိုက်ဆေးအမြှုပ်များကို ဘေစင်တွင် ထွေး၍ ပလုတ်ကျင်းလိုက်သည်။
ထို့နောက် မျက်နှာသစ်ကာ ဖုန်းကောက်ကိုင်ရင်း စောစောက WeChat မှ ဝင်လာသော စာကို ဖွင့်ကြည့်၏။ သူ့ကို မဆက်သွယ်တာ အတော်ကြာပြီဖြစ်သည့် ဝယ်သူကောင်မလေးထံမှ စာလာခြင်းပင်။
A Bird Born in Autumn: တို့ ဒေါသထွက်လို့သေတော့မယ်သိလား ရှောင်ပိုင်ရယ်... အခုတလော လူနှစ်ယောက်နဲ့ သူငယ်ချင်းဖြစ်တာမကြာသေးဘူး.... သူတို့က ကောင်းပါတယ် ဒါပေမဲ့ သူတို့နှစ်ယောက်ထဲက တစ်ယောက်က တို့မိထွေးလက်အောက်မှာ တိုက်ရိုက်လုပ်နေတဲ့သူမှန်း မထင်ထားခဲ့ဘူး.. တို့နဲ့ တမင်တကာ သူငယ်ချင်းလာလုပ်တာ သိလား...
A Bird Born in Autumn: တို့ အလိမ်ခံလိုက်ရတာ သိလား... အသက်မရှင်ချင်တော့ဘူး... သေပဲ သေလိုက်ချင်တော့တယ်...
ဟောပိုင်က ဝင်လာသော စာများကို ဖတ်ရင်း သက်ပြင်းချလိုက်မိသည်။ သူ့ WeChat ထဲတွင် အိုင်ဒေါနှင့်အတူ အရူးလိုက်လိုက်ထသော ပရိသတ်ကောင်မလေးတစ်ယောက်ရှိနေတာကို သူမေ့မလိုပင် ဖြစ်သွားသေးသည်။
White and Whiter: မင်းအိုင်ဒေါရဲ့ ဓာတ်ပုံတွေကို သေချာပြင်ပြီး ပို့ပေးမယ်လေ... ဘယ်လိုလဲ..
A Bird Born in Autumn: မလုံလောက်ဘူး... သူ့ကို Weibo ပြန်သုံးစေချင်တာ..
White and Whiter: အဲ့ဒါတော့ မလွယ်လောက်ဘူးထင်တယ်... ဒါမှမဟုတ် အိုင်ဒေါပြောင်းကြိုက်ကြည့်ပါလား...
A Bird Born in Autumn: သူက တို့ကို တခြားသူ ပြောင်းကြိုက်ဖို့ လာပြောနေတာလား... တော်တော်လေး လွန်သွားပြီ... သူ လူရော ဟုတ်ရဲ့လားဟင်
White and Whiter: ...
A Bird Born in Autumn: ရှောင်ပိုင်လို့... ဒီမှာအရမ်းဝမ်းနည်းနေတာကို....
မျက်နှာကို ပြောင်အောင်သုတ်ရင်း ဟောပိုင်မှာ စာပြန်ရိုက်ရသည်။
White and Whiter: အဲ့ဒါဆို မင်း ဘာလိုချင်လဲ ပြောကြည့်လေ... ကျွန်တော်တတ်နိုင်တာဆို လုပ်ပေးပါ့မယ်....
A Bird Born in Autumn: တို့ကို အသံမက်ဆေ့ချ်ပို့တာ ကြိုက်တယ်... Good night တို့ ဘာတို့ပေါ့... မက်ဆေ့ချ်အစပိုင်းမှာ Autumn လေးရေ.. ဆိုတာလေး ထည့်ပေး.. အဲ့ဒါလေးကို ညဘက်အိပ်ဖို့ alarm ပေးရင် သုံးလိုက်မယ်လေ နော်....
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...