Unicode ႏွစ္ပိုင္း ေနာက္မွာ Zawgyi ရွိပါတယ္
Unicode
Chapter 43 - ဝုတ် ဝုတ် ၂
" အင်း ဟုတ်တယ်.. အခု ရိုက်နေတာ.. မိန်းကလေးကျားနဲ့ သူ့သူငယ်ချင်းတွေ မွေးနေ့အကြိုပါတီလုပ်နေကြတာလေ.. အခု မွေးနေ့သီချင်းဆိုပြီး ကိတ်ခွဲနေကြတာ"
မွေးနေ့ပါတီကိုရောက်နေသည့်အတွက် ဟောပိုင်လဲ စိတ်ရွှင်နေကာ အရင်ကထက်စကားပိုများနေသည်။
" ခင်ဗျားမွေးနေ့ကျရင်လဲ မွေးနေ့ဓာတ်ပုံတွေအများကြီးရိုက်ပေးမယ်သိလား..ဒီနေ့လိုမျိုးလေ... ခင်ဗျားနဲ့ သူငယ်ချင်းတွေနဲ့ လျှောက်ကစား ကျွန်တော်က ဓာတ်ပုံတွေ ပတ်ရိုက်ပေးမယ်"
ဟောပိုင်က မွေးနေ့ကို လူများများနှင့်ကျင်းပသည်က ပိုကောင်းသည်ဟုထင်သည်။ သူတို့နှစ်ယောက်တည်းဆိုပါက ပျင်းဖို့ကောင်းနိုင်သည်လေ။... အော် ချောင်းရိုက်တယ်ဆိုတာ ဒါကိုပြောတာကိုး..
ထိုအခါမှပင် တိချိုးဟယ်က ကျေနပ်သွားရင်း ပြုံးလိုက်သည်။ စိတ်ထဲတွင်တော့ ဟောပိုင်၏ပါးချိုင့်ခွက်ခွက်လေးကို လက်ညိုးနှင့် ထိုး ထိုးနေသည်။
.. ကလေးဆိုးလေးက စကားကို ဘယ်လိုပြောရမှန်း မသိဘူးပဲ..." အင်းပါ မင်းသဘော.. ကိုယ့်ကို မင်းစိတ်ကြိုက်ဓာတ်ပုံရိုက်ပေးလို့ရတယ်"
တိချိုးဟယ်က ထိုအခါမှသာ သူ့ကိုယ်သူ မှန်ထဲတွင် ရဲရဲတင်းတင်း ပြန်ကြည့်နိုင်သွား၏။ ဆံပင်တိုတိုနှင့်သူ့ပုံက ပိုရှင်းသန့်နေသည်။ အင်္ကျီစကို လိပ်တင်လိုက်တော့ ဝမ်းဗိုက်ကြွက်သားစိုင်တို့ ပေါ်လာပြန်သည်။ ရုတ်တရက်ကြီး ရှက်လာသလိုခံစားရသဖြင့် အင်္ကျီပြန်ဆွဲချကာ မှန်ကိုကျောခိုင်း၍ စကားဆက်သည်။
" ဒီနေ့ အဆင်ပြေရဲ့လား"" အင်း ချောချောမွေ့မွေ့ပဲ"
ဟောပိုင်အသံက ပို၍ ကြည်လင်လာကာ နောက်ခံသီချင်းသံတို့ လျော့ပါးသွား၏။
" ဒါပေမဲ့ ဒီည စောစောအိပ်လို့မရသေးဘူး.. ဓာတ်ပုံတွေကို မနက်ဖြန်ည ခုနစ်နာရီအမှီပြီးအောင် ပြင်ပေးရဦးမှာ.. အဲ့ဒါ နည်းနည်းလောနေလို့.. ဒါနဲ့..ခင်ဗျား သူဌေးကျားကို ဘယ်လိုလိမ်လိုက်လဲဆိုတာ ကျွန်တော့်ကို မပြောရသေးဘူး.. ပြီးတော့ နောက်အခေါက်တွေကျရင် လူတွေကိုမလိမ်ခင် ကျွန်တော့်ကို ကြိုပြောထားလို့မရဘူးလား..ဒီနေ့ဆို ခင်ဗျားပြောထားတာနဲ့ မညီသလိုတောင် ဖြစ်သွားတော့မလို့"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...