Unicode
ဗွမ်း ဟူသော အသံထွက်ပေါ်လာပြီးနောက် ရေထဲကျသွားသော တိချိုးဟယ်ကြောင့် ဟောပိုင် ကိုယ်ပေါ် ရေစက်များ လာမှန်သည်။
".. ဒီလူ.. ဘာလုပ်နေတာလဲ"
နျို့ကျွင်းကျယ်က တိချိုးဟယ်၏ ရုတ်တရက်အပြုအမူကြောင့် လန့်သွားသည်။ ရေကန်ကိုကြည့်လိုက်တော့ ရေပွက်များထကာ လှုပ်ခါနေ၏။ဟောပိုင်က ခေါင်းကိုခါရမ်းရင်း အသိစိတ်ပြန်ဝင်လာသည်နှင့် တစ်စုံတစ်ခုကို တွေးကာ မျက်နှာပျက်သွား၏။ ထို့နောက် အားယူကာ ရေထဲခုန်ချသွားပြန်သည်။
ဒီတစ်ခါတော့ ရေစက်အမှန်ခံရသူက နျို့ကျွင်းကျယ်ဖြစ်နေ၏။
နျို့ကျွင်းကျယ်: ...
စားဖိုမှူးဝဝကြီးက အသားကင်နေသည့် ခက်ရင်းကြီးကိုင်ကာ နျို့ကျွင်းကျယ်ရှိရာသို့ ပြေးလာပြီး အလေးအနက်ပြောနေသည်။
" ဘာမှစိတ်မပူနဲ့သခင်လေး... ကျွန်တော် လုံခြုံရေးကို လှမ်းခေါ်ပြီးပြီ.. ခိုးဝင်လာတဲ့သူက စိတ်မမှန်တဲ့သူဖြစ်ရမယ်.. သူ့နားမကပ်နဲ့..ကျ..ကျွန်တော်ငယ်ငယ်က ခွေးကူးကူးနည်းသင်ထားတယ်.. သခင်လေး ဟောကို ကျွန်တော်ကယ်.."" စိတ်အေးအေးထား ဦးလေးဟူ.. ကျော်တက်လာတဲ့သူက ကျွန်တော့်အသိပါ..သူခိုးမဟုတ်ပါဘူး"
နျို့ကျွင်းကျယ်က စားဖိုမှူးကြီး၏ ပခုံးကိုပုတ်ကာ မျက်နှာမှရေများကို သုတ်ရင်း ရေကူးကန်နားလျှောက်၍ ရေထဲခုန်ချသွား၏။ ဟောပိုင်က သူ့အခန်းဖော်သူငယ်ချင်းဖြစ်ပြီး ဖုန်းကိုသွားယူနေသောကြောင့် သူ မသိကျိုးကျွံမပြုနိုင်။ဦးလေးဟူ: ...
ရေမျက်နှာပြင်မှာ တဖြည်းဖြည်း ငြိမ်သက်စပြုလာ၏။ စိတ်ထဲတွင် ခဏအကြာလွန်ဆွဲနေပြီးနောက် စားဖိုမှူးဝဝကြီးလဲ အေပရွန်ကို ချွတ်ကာ ရေထဲဆင်းသွား၏။ သူ့သခင်တောင် ရေထဲဆင်းသွားလေရာ သူမှမဆင်းရင် အလုပ်ပြုတ်ရန်သာရှိ၏။
အခုမှရောက်လာသော လုံခြုံရေး: ...
ရေက ဒီနေ့မှ အသစ်လဲထား၍ ကြည်လင်နေသည့်အတွက် ဟောပိုင်က ရေထဲတွင် မွန်းနေ၍ ရုန်းကန်နေရသော တိချိုးဟယ်ကို ချက်ချင်းရှာတွေ့သွားသည်။ ဟောပိုင်မှာ ပြောစရာစကားတို့ပျောက်ရှကာ ထိုနေရာသို့ အပြေးကူးသွား၏။ တိချိုးဟယ်က သူ့ကို သတိထားမိသောအခါ ထိုနေရာတွင်သာနေရန် လက်ပြ၍ တိချိုးဟယ်၏ ခါးကို တင်းတင်းဖက်လိုက်သည်။ ဟောပိုင်က တိချိုးဟယ်ကို ဖက်ရင်း ရေကိုကန်ကြောက်၍ ရေမျက်နှာပြင်ပေါ်ရောက်ရန် ကြိုးစားနေရသည်။
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...