Unicode
ဟောပိုင်က ခေါင်းငုံ့ကြည့်သည်။
တိချိုးဟယ်က ခေါင်းမော့ကြည့်၏။
နှစ်ဦးသား အကြည့်ချင်းဆုံသွားကြ၏။
" မိုက်လိုက်တဲ့ ဘော်ဒီဗျာ"
ဟောပိုင်က အံ့သြမှင်သက်သည့် လေသံနှင့် ပြောလိုက်သည်။တိချိုးဟယ် တစ်ကိုယ်လုံး ရေခဲရိုက်ထားသလို တောင့်တင်းနေသည်။ ဟောပိုင်က ထိုနေရာကို စိုက်ကြည့်နေမှန်း သိသော်လဲ ဘာလုပ်ရမှန်းမသိ။ တဘက်မပါ ဘာမပါနှင့် ထိုနေရာ အကာအကွယ်မဲ့နေကာ ရှက်ဖို့ကောင်းနေသည့်အတွက် မျက်နှာရော နားရွက်ရော လည်ပင်းတွေပါ ရဲလာသည်။
" မင်းကြိုက်လို့ တော်သေးတာပေါ့..."ဟောပိုင် : ...
ဘုရားရေ သူ ဘာတွေ လာပြောနေတာလဲတိချိုးဟယ် : ...
သွားပြီ စိတ်ထဲကနေ ပြောတာ အပြင်ကို ထွက်ကုန်ပြီ..." ..."
"..."
စင်ပေါ်မှ မျက်နှာသစ်ဆပ်ပြာရည်ဘူးက အသံမြည်ကာ ပြုတ်ကျလာသည်။
ထို့နောက်တွင်တော့ သူတို့နှစ်ယောက်လုံး လှုပ်လှုပ်ရှားရှား ဖြစ်လာကြသည်။ ဟောပိုင်က တစ်ဖက်လှည့်လိုက်ပြီး တိချိုးဟယ်က လိုက်ကာကို ကောက်ပတ်လိုက်၏။
" ရေသာချိုးလိုက်ပါတော့ဗျာ... လိုက်ကာက အရည်အသွေးမကောင်းဘူးနော်"
ဟောပိုင်က တီတိုးပြောဆိုနေသည်။တိချိုးဟယ်က နီရဲနေသော မျက်နှာနှင့် တစ်ဖက်လှည့်လိုက်သည်။
" အင်း အင်း ဟုတ်တယ် အသစ်လဲရတော့မယ်"သူတို့နှစ်ယောက်လုံး ဘာစကားမှ မပြောပဲ ရေချိုးလိုက်ကြ၏။ စခန်းမှ ကန်တင်းတွင် မနက်စာ သွားစားကြသည်အထိ တစ်ယောက်ကို တစ်ယောက် မျက်လုံးချင်း မဆိုင်ရဲကြပဲ စောစောက အဖြစ်အပျက်ကို မေ့နိုင်ရန် ကြိုးစားနေကြသည်။
" အပြင်မှာ လမ်းသွားလျှောက်ကြမလား"
တိချိုးဟယ်က ကားသော့ကို ယူကာ သတိထား၍ မေးလိုက်သည်။ရေသောက်ချင်ယောင်ဆောင်နေသည့် ဟောပိုင်က လှုပ်ရှားလာသည်။
" အင်းလေ ဒီနေ့ ခင်ဗျားက ဘော့စ်ပဲကို"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...