Unicode
တိဘီရန်၏ စိတ်မဝင်စားသလို မျက်နှာပေးကြောင့် ရှေ့နေဝမ်က သက်ပြင်းချသည်။ သခင်လေး တကယ် စိတ်ဆိုးနေတာကို သူ တကယ် မသိချင်ယောင်ဆောင်နေတာလား.. ဥက္ကဋ္ဌကြီးက ဒီတစ်ခါတော့ တော်တော်လေးလွန်သွားပြီ.. အကြီးဆုံးသားကို ဒီလောက်စိတ်ပျက်စေတဲ့ဟာ.. သူသာ တိချိုးဟယ်ဆိုရင် သူလဲ...
ထိုအတွေးကြောင့် ရှေ့နေဝမ်က တိဘီရန်ကို စူးစူးရဲရဲတစ်ချက်ကြည့်ကာ ဖိုင်တွဲထဲမှ စာတစ်အိတ်ကို ထုတ်၍ ပေးလိုက်သည်။
" ဥက္ကဋ္ဌကြီး .. အဲ့ဒီ့ဘက်က ရှေ့နေပို့ပေးလိုက်တာပါ.. ဥက္ကဋ္ဌကြီးတစ်ယောက်ထဲပဲ ဖတ်ပါတဲ့"တိဘီရန်က ချက်ချင်းမျက်လုံးပွင့်လာကာ စာအိတ်ကိုဖောက်သည်။ စာအိတ်ထဲတွင် ဘဏ်များတွင်သိမ်းထားတတ်သည့် မီးခံသေတ္တာသော့တစ်ချောင်းနှင့် စာတစ်စောင်ထွက်လာသည်။
ထိုစာက တိချိုးဟယ် ကိုယ်တိုင်လက်ရေးနှင့် ရေးထားသည့်ပုံပေါ်၏။
" သို့ ချစ်ရပါသော အဖေ... ခိုင်းထားခဲ့တဲ့ ကိစ္စအားလုံးကို ကျွန်တော် အပြီးသတ်ပြီးပါပြီ.. အဖေ့ကို ကူညီပေးရတဲ့ နောက်ဆုံးကိစ္စဖြစ်တာမို့ တကယ်ဝမ်းနည်းမိပါတယ် နောက်ဆုံးတစ်ခေါက် ပရောဂျက်အောင်မြင်တဲ့ စာရွက်စာတမ်းတွေရယ် အထဲမှာရင်းနှီးမြှုပ်နှံတဲ့ အဖွဲ့ဝင်အားလုံးရဲ့စာရင်းကို ဘဏ်ရဲ့ မီးခံသေတ္တာထဲမှာ သိမ်းထားခဲ့ပါတယ်.. သော့ပါ တစ်ခါတည်း ထည့်ပေးလိုက်ပါတယ်.. ကျွန်တော့်ရဲ့ ဝတ္တရားကျေပွန်ပြီလို့ ထင်ပါတယ်.. ထပ်တွေ့ကြတာပေါ့ မစ္စတာ တိ"" ထပ်တွေ့ကြတာပေါ့ မစ္စတာတိ???"
စာရွက်ကိုင်ထားသော သူ့လက်တို့ တဆတ်ဆတ်တုန်လာသည်။
အရမ်းလိမ်မာတဲ့ ချိုးဟယ်က အခု ဘယ်လိုဖြစ်....
" ဆရာဝန် ရောက်လာပါပြီ"
ရှေ့နေဝမ်က တိဘီရန်လက်ထဲမှ ပြုတ်ကျသွားသော စာရွက်ကို ကောက်၍ ဆရာဝန်စစ်ဆေးနိုင်စေရန် လမ်းဖယ်ပေးလိုက်သည်။အရပ်ရှည်ရှည် မျက်လုံးပြာပြာ ဆရာဝန်က တိဘီရန်ကို သေချာစစ်ဆေးပေးပြီးနောက် မနက်ဖြန် သူ့နိုင်ငံပြန်တော့မည်ဖြစ်ကြောင်း အသိပေးလိုက်သည်။ ရှေ့နေဝမ်က မျက်မှောင်ကြုံ့ကာ ဖျောင်းဖြသည်။
" ဥက္ကဋ္ဌကြီးက အခုမှ သက်သာခါစပဲ ရှိသေးတာ .. ရက်နည်းနည်းလောက်ပဲ ထပ်ပြီးတော့.."
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...