Unicode
တစ်နာရီခန့်ကြာပြီးနောက် တိချိုးဟယ်က ဟောပိုင်ကိုခေါ်ကာ ရေကူးကန်နှင့် ဥယျာဥ်ပါသည့် အိမ်ကြီးတစ်အိမ်ကို ခေါ်သွားလေသည်။ ဟောပိုင်က အားကျစွာ ကြည့်လိုက်ရင်း မေးလိုက်သည်။
" ဒါ ခင်ဗျားပိုင်တာလား"
" အင်း ကိုယ့်အပိုင်"
တိချိုးဟယ်က ခေါင်းညိတ်ကာ ကျယ်ဝန်းလှသော ခြံကြီးကို ဟောပိုင်နှင့်အတူ လျှောက်ကြည့်ကြသည်။
" ကိုယ့်အဖိုး ပေးတာ"
သူက ထပ်ပြော၏။
ဟောပိုင်က ကြောင်သွားကာ တိချိုးဟယ်ဘက် လှည့်ကြည့်သည်။
" ခင်ဗျားရဲ့အဖိုး???"
" အင်းလေ"
တိချိုးဟယ်က ခေါင်းညိတ်ကာ ဟောပိုင်ကို ပြန်ကြည့်၍ တည်ငြိမ်သော လေသံနှင့် ပြောလိုက်သည်။
" ကိုယ့်ရဲ့အဖိုး"
အကြာကြီးပျောက်ဆုံးနေသည့် ဆွေမျိုးကို ပြန်ရှာတွေ့ခြင်းအပေါ် ဝမ်းသာခြင်း ပျော်ရွှင်ခြင်း အရိပ်အငွေ့ပင် မတွေ့ရ။
အိမ်တံခါးပွင့်လာ၍ တိချိုးဟယ်အသံက ပဲ့တင်ထပ်သွားသည်။ တစ်ခေါင်းလုံးဖြူဆွတ်နေသည့် အဖိုးအိုတစ်ယောက်က ဝှီးချဲပေါ် ထိုင်နေသည်။ ထိုဝှီးချဲကို တွန်းလာသူက...
" ဟူကျောက်??"
ဟောပိုင်က တအံ့တသြငေးကြည့်နေသည်။
" ခင်ဗျားက.. တိအိမ်တော်ရဲ့ အိမ်ထိန်း.. အိမ်ထိန်းမဟုတ်ဘူးလား... ဘာလို့ဒီကိုရောက်နေတာလဲ..."
" သခင်လေးတိ .. ဓာတ်ပုံဆရာဟော...ကြိုဆိုပါတယ်"
ဟူကျောက်က သူတို့နှစ်ယောက်ကို ရိုရိုသေသေ နှုတ်ဆက်လိုက်ပြီးမှ ဟောပိုင်ဘက် လှည့်သည်။
" ဓာတ်ပုံဆရာဟော... ကျွန်တော်က တိအိမ်မှာ အလုပ်လုပ်ဖို့ နှစ်ပေါင်းများစွာထဲက တာဝန်ကျတာပါ.. အခုတော့ ဒီကိုပြန်လာတာပါ"
ဟောပိုင် လုံးဝ အံ့သြနေသည်။
ဘာတွေဖြစ်ကုန်တာလဲ... တိဘီရန်ရဲ့ လူယုံက တိချိုးဟယ်ရဲ့ သူလျှိုဖြစ်သွားတာလား.. ဆေးရုံမှာတုန်းက သူတို့အချင်းချင်း သိပ်တောင် မသိခဲ့ကြဘူးလေ...
သူ့ရှေ့မှာ အဲ့လိုသရုပ်ဆောင်တာတော့ မဖြစ်နိုင်။ ဟူကျောက်ကို သူ့ဘက်ကလူမှန်း သေချာမသိ၍ တိချိုးဟယ် အတော်စောင့်ကြည့်နေမှန်း ဟောပိုင် သေချာမြင်လိုက်သည်လေ။ ဟောပိုင် စိတ်ရှုပ်နေသည်ကိုကြည့်၍ တိချိုးဟယ်က ပြုံး၍ ရှင်းပြသည်။
" ဦးလေးဟူက ကိုယ့်အဖိုးရဲ့ လူယုံပါ.. ကိုယ်လဲဟအရင်က မသိခဲ့ဘူး"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
