Unicode
မိုးက လောင်းချနေသည်ဟု ထင်ရ သည်းသထက် သည်းလာသည်။
နှစ်ယောက်သား ကားဆီသို့ပြေးလာကာ တစ်ယောက်ကိုတစ်ယောက် ကြည့်လိုက်ကြသည်။ နှစ်ယောက်လုံး ကြွက်စုတ်လေးတွေလို စိုရွှဲနေကြ၏။
" ဟား ဟား.. ပျော်စရာကြီး"
ဟောပိုင်က အပေါ်အင်္ကျီကို ချွတ်၍ ရေစိုနေသော ဆံပင်များကို လက်နှင့် ဖွနေသည်။ သူ့ကြည့်ရတာ စိတ်ကောင်းဝင်နေပုံရပြီး ပါးချိုင့်လေးတစ်ဖက် ပေါ်သည်အထိ ပြုံးနေသောကြောင့် တိချိုးဟယ် ငေးမိသွား၏။
" တော်သေးတာပေါ့ ကင်မရာမယူသွားမိလို့"
ဟောပိုင်က ကုတ်အင်္ကျီကို လုံးထွေး၍ ကားနောက်ထဲ ပစ်ထည့်ကာ တိချိုးဟယ်မျက်နှာကို စောင်နှင့် အုပ်လိုက်သည်။ ထို့နောက် တဘက်တစ်ထည်နှင့် မျက်နှာပေါ်မှ မိုးရေစက်များကို သုတ်နေသည်။
" ရော့ .. ခင်ဗျားရဲ့ ကုတ်အင်္ကျီကို ချွတ်လိုက်ဦး.. ရေခြောက်အောင် သုတ်.. နောက်နှစ်ရက်နေရင် ရိုက်ကွင်းရှိသေးတာကို .. ဖျားလို့မဖြစ်ဘူး"
တိချိုးဟယ်က စောင်ကိုလှမ်းယူလိုက်သည်။ တစ်လမ်းလုံး ဟောပိုင်ခြုံလာခဲ့သည့်အတွက် စောင်လေးက ဟောပိုင်၏ ကိုယ်သင်းရနံ့တို့ပြည့်နေသည်။ ဖွာလန်ကြဲနေသော ဟောပိုင်၏ ဆံပင်တို့ကို မြင်လိုက်ရတော့ လက်တုန်ခြေတုန်နှင့် ကုတ်အင်္ကျီကို လိပ်ကဲ့သို့ ဖြည်းဖြည်းချင်း ချွတ်နေသည်။
" မြန်မြန်လုပ်"
ဟောပိုင်က တိချိုးဟယ် နှေးတိနှေးတုံ့လုပ်နေသောကြောင့် ကုတ်အင်္ကျီကို ကူချွတ်ပေးကာ တဘက်နောက်တစ်ထည်ရှာ၍ ပစ်ပေးလိုက်ပြန်သည်။ ဖုန်းထဲမှ နာရီကိုကြည့်လိုက်ရင်း အကြံပြုသည်။
" ထမင်းအရင် သွားစားရအောင် .. ပြီးမှ အင်္ကျီသွားဝယ်ကြတာပေါ့.. ပြီးရင် ပြန်ကြမယ်.. မဟုတ်ဘူး.. ခင်ဗျား လူကြားထဲလျှောက်သွားရင် ထင်းထွက်နေမှာ.. အပြင်လျှောက်သွားလို့မရဘူး.. ခင်ဗျား size ဘယ်လောက်ဝတ်လဲ.. ကျွန်တော်သွားဝယ်ပေးမယ်.. ကားထဲမှာပဲစောင့်.. mask ရယ် နေကာမျက်မှန်ရယ်ပါ ဝယ်ရမယ် .. ခင်ဗျား အဆင်သင့် မဖြစ်မချင်း ကျွန်တော်တို့ နေ့လည်စာ သွားစားလို့ မရဘူး"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
