Unicode
Chapter(23) - စိုးရိမ်ဖွယ်ရာအသွင်ကူးပြောင်းသွားခြင်း
ရှန်ကျစ်ရှန်းဒီရက်ပိုင်းအရမ်းစိတ်ဆိုးနေသည်။
သူအရမ်းသဘောကျနှစ်ခြိုက်ရတဲ့ကျောက်စိမ်းဖြူစားပွဲလေးကဘယ်အကောင်ကအလယ်တစ်ဝက်ကနေပိုင်းသွားမှန်းမသိဘူး....
ဖြတ်ရာကရှင်းလင်းပြီးချောမွေ့တယ်..
တစ်ချက်ကြည့်တာနဲ့တင်ဒီရလဒ်ကဓားအလင်းတိုက်ခိုက်မှုနဲ့အရမ်းဆင်တူနေတာ...အခုတော့စားပွဲလေးကြည့်ရတာသနားစရာလေးနဲ့ကူကယ်ရာမဲ့ဖွယ်ရာလေး...
ဒေါသတကြီးနဲ့ရှန်ကျစ်ရှန်းကအခြေအနေကိုခွဲခြမ်းစိတ်ဖြာကြည့်တော့ဒီကိုလာပြီးဓားကိုဆွဲထုတ်ရဲတာလူတစ်ယောက်တည်းပဲရှိတယ်လို့ခံစားလိုက်ရသည်လေ....
အဲ့ဒီဗီလိန်တပည့်ရန်ကျင်းပဲဖြစ်လိမ့်မယ်
ရှောင်းချောင်ယကသူ့ရဲ့ဒေါသထွက်နေတဲ့အမူအယာကိုလှမ်းကြည့်နေသည်။သူ့သစ်ရွက်လေးနှစ်ခုကဓားကိုကိုင်ထားသလိုမျိုးဟန်ဆောင်ပြီးထိုနေ့ကရန်ကျင်းရဲ့ကိုယ်ဟန်အနေအထားအတိုင်းတုပကာသစ်ရွက်လက်လေးနှစ်ဖက်ကိုလွှဲခုတ်ပြပြီးနောက်ဒဏ်ရာရသွားသလိုမျိုးလဲှကျပစ်လိုက်သည်။ပြီးနောက်မှာတော့သွေးအန်သလိုမျိုး 'Pucha!' ဆိုတဲ့အသံကိုပါထုတ်ပြ၏။
ရှန်ကျစ်ရှန်းသည်သူ့ပုံစံကြောင့်အနည်းငယ်အာရုံလွဲပြောင်းသွားသည်။ဒဏ်ရာရသလိုမျိုးဟန်ဆောင်နေတဲ့မြက်ညွှန့်လေးအားပြန်လှန်လိုက်ပြီးမေးလိုက်သည်။
"ဘာတွေလုပ်နေတာလဲ?"
ရှောင်းချောင်ယသည်သူရှန်ကျစ်ရှန်းအာရုံကိုအောင်အောင်မြင်မြင်ဆွဲဆောင်နိုင်သွားသည်ကိုမြင်သောအခါအားအင်များချက်ချင်းပြည့်ဝလာပြီးတစ်ကြိမ်ပြီးတစ်ကြိမ်သရုပ်ဆောင်ပြတော့သည်။
ဓားခုတ်-သွေးအန်-လဲကျ
ရှန်ကျစ်ရှန်းကအဓိပ္ပါယ်ကိုနားလည်လိုက်တာကြောင့်သူ့မျက်ခုံးကအနည်းငယ်တွန့်ကွေးသွားပြီးချီတုံချတုံခံစားချက်မျိုးခံစားလိုက်ရသည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
