"ကလေးအဖေဖြစ်တော့မှာဆိုတော့ အလုပ်တွေကြိုးစားနေတာပေါ့လေ.."
"ဒါပေါ့ကွ နောင်နောင်တို့များ နေ့မအားညမအားအလုပ်တွေလုပ်နေတာ...
အိမ်ပြန်ရောက်ရင်လည်းထမင်းဟင်းချက်ရသေးတယ်ကွ.."
အောင်ခန့်ရဲ့စကားကိုကျော်ဇောကထောက်ခံကာပြောလာသည်။
"သူကချက်ပေးပါတယ်ကွာ...
နေ့စေ့လစေ့ဆိုတော့ မလုပ်နဲ့ဆိုပြီးတားထားတာ.."
"သြော် ဟုတ်လား..
အင်း အဲ့တာဆို ကျော်ဇော ဟေ့ကောင် ငါ့ဆေးကအစွမ်းထက်တယ်လို့ဆိုရမှာပေါ့နော်...-
"မင်းအဲ့စကားကိုပြောနေတာ ရာရှင်းသန့်ကိုယ်ဝန်အစရကတည်းက.."
"မင်းယုံကြည်တယ်မလား ငါ့ဆေးရဲ့အစွမ်းကို.."
"တော်စမ်းပါကွာ မင်းတို့ငါ့ဆီကမြိုဆို့ထားတာနဲ့တင်ဆေးဖိုးကျေနေပြီ.."
"ဟေ့ ဟေ့ကောင် မင်းကိုငါတို့ကစေတနာနဲ့ကူညီခဲ့တာနော် မင်းငါတို့စေတနာကိုမစော်ကားနဲ့..
"တော်စမ်းပါကွာ...
ရော့ မင်းတို့အထုတ်တွေယူပြီးပြန်တော့.."
"ကျော်ဇော တွေ့တယ်မလား...
ဒီကောင်စေတနာကိုစော်ကားနေတာ.."
အောင်ခန့်နဲ့ကျော်ဇောဘယ်လိုပဲပြောနေပါစေ နောင်ကတော့ သူ့အလုပ်ကိုသာသူလုပ်နေသည်။
"ဟေ့ မောင်ဖြူဝက်တွေကိုသေချာကြည့်နော်..."
"ဟုတ်ကဲ့ ကိုနောင်..."
"အံမယ်လေး ဝက်သူဋ္ဌေးကြီးကိုနောင်နောင်တို့အိမ်ပြန်တော့မလို့လား.."
"အောင်ခန့် မင်းဒီနေ့ငါ့ကိုစလို့ပြီးတော့မှာလား.."
နောင် မောင်ဖြူကိုမှာစရာရှိတာမှာပြီး အောင်ခန့်ဘက်လှည့်ကာပြောလိုက်သည်။
"ဘာလဲ? မင်းပြန်မလာသေးလို့မင်းရဲ့အကိုစိတ်ပူနေမှာစိုးလို့လား.."
"အေး ငါပြန်မရောက်သေးရင်သူကအမျိုးမျိုးကိုလျှောက်တွေးနေတာ...
အဆုံးစွန်ထိကွာ ငါတုတ်တုတ်များကားနဲ့တိုက်နေမလားဆိုပြီးတော့တောင် သူကလိုက်တွေးနေတာ.."
YOU ARE READING
ကြၽန္ေတာ္ ခင္ဗ်ားကို မခ်စ္ဘူး...(Completed)
Fantasyကိုယ့္ကိုမခ်စ္ဘူး အႀကိမ္ႀကိမ္ေျပာလည္း ကိုယ္ကေတာ့ ေနာင့္ကိုအၿမဲခ်စ္သြားမွာ❣️
