Unicode
အခန်း(၂၅) - စည်းနှောင်စာချုပ်ချုပ်ခြင်း
ဓားယှဉ်ပြိုင်ပွဲညီလာခံ၏နောက်ဆုံးနေ့ကပရမ်းပတာဖြင့်ပင်ပြီးဆုံးသွားသည်။
အကြီးအကဲရှန်က 'သတိမေ့' သွားပြီးသူ့တပည့်ကပြန်ခေါ်သွားသည်။လူတိုင်းရဲ့ထိတ်လန့်နေတဲ့အကြည့်အောက်မှာပဲရန်ကျင်းကလူကိုတိုက်ရိုက်ချီသွားကာစကားတစ်ခွန်းသာချန်ရစ်ခဲ့သည်။
"ရန့်ရှန်ရဲ့ကိစ္စကိုဂိုဏ်းချုပ်စုန့်ဖြေရှင်းဖို့ပဲထားရစ်ခဲ့ပါ့မယ်" ပြောပြီးတာနဲ့အလျင်အမြန်ပဲထွက်ခွာသွား၏။
စုန့်မင်းကအရမ်းကိုစိတ်ရှုပ်နေတာကြောင့်စားပွဲခုံထောင့်စွန်းရဲ့တစ်ခြားတစ်ဖက်ပါအပိုင်းအပိုင်းအစစကွဲကြေသွားလေသည်။
လူတိုင်းရဲ့အကြည့်အောက်မှာဖြစ်တာကြောင့်သူ့အနေနဲ့ရန့်ရှန်ကိုဂိုဏ်းရဲ့အကျဉ်းထောင်ထဲမှာသာထိန်းသိမ်းထားခိုင်းလိုက်ရပြီးထပ်လာမယ့်အပြစ်ဒဏ်ကိုစောင့်ခိုင်းလိုက်ရတော့သည်။အဆိုးဆုံးကတော့ဒီလိုပုံစံနဲ့ဆိုရင်ရန့်ရှန်က'မတော်တဆ'ဖြစ်လို့မရတော့ဘူး။တကယ်တော့လည်းလူကသူ့နှာခေါင်းအောက်ရောက်နေတာလေ။အကယ်၍တစ်ခုခုဖြစ်သွားခဲ့ရင်အဲ့ဒါကတစ်ခြားသူတွေသူ့အကြောင်းကိုပြောလို့ရဖို့ဖြစ်သွားလိမ့်မယ်။
စုန့်မင်းကသူ့အကြောင်းအတင်းပြောသည်ကိုအလွန်မုန်းတီးသည်။အထူးသဖြင့်သူကတစ်ခြားသူများနဲ့နှိုင်းယှဉ်ရင်စွမ်းရည်သိပ်မရှိခြင်းကြောင့်ဖြစ်သည်။အဲ့ဒီလိုပုံစံမျိုးတစ်စုံတစ်ရာကြားလိုက်ရတာနဲ့သူ့နှလုံးသားထဲမှာတိတ်တဆိတ်မှတ်သားထားလိုက်ပြီးအနာဂတ်မှာအခွင့်အရေးရှာကာတိတ်တဆိတ်အပြစ်ပြန်ပေးတတ်၏။
ကျန်တဲ့ကိစ္စများအားတစ်ခြားအကြီးအကဲများကိုလွှဲပြောင်းပေးပြီးနောက်စုန့်မင်းကခေါင်းထဲမှာသွေးကြောများထောင်ထနေရင်းဖြင့်ပင်သူ့အင်္ကျီလက်ကိုဖြတ်ခနဲခါ၍အေးစက်စက်မျက်နှာနဲ့ထွက်ခွာသွားတော့သည်။
သူ့ရဲ့ဂိုဏ်းချုပ်တစ်ယောက်ပုံစံကြင်နာတတ်ပြီးတည်ငြိမ်တဲ့ပုံရိပ်ကိုမထိန်းသိမ်းချင်လို့တော့မဟုတ်ပါဘူးဒါပေမဲ့သူဆက်နေရင်သွေးအန်သွားမှာစိုးမိတယ်!
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
