PERFECT LIE (COMPLETE)

CHAPTER NINETEEN (Nightmare)

Inside of us is a monster; inside of us is a saint. The real question is which one we nurture the most, which one will smite the other. - Jodi Picoult

------------------------------

Riel

            Fuck those police officer.

            Fuck Varona. Fuck Chief Magtanggol and his team. Mga gago ang animal. Sinasabi ko na nga ba at may nangyari noon kay Meara kaya biglang-bigla ay nawala ang kaso niya. Nanginginig ako sa galit at ang gusto ko ngayon ay umalis dito at puntahan isa-isa ang mga pulis na involved sa pagkakahuli kay Meara.

            Pero naisip ko, kasama ako doon. Ako ang arresting officer ni Meara. Technically, may kasalanan ako kung bakit iyon nangyari sa kanya. Kung hindi ko siya hinuli, hindi mangyayari iyon. Pero bagong pulis ako noon. Kaka-graduate lang mula sa academy. Mainit. Mapusok at marami pang gustong patunayan. At isa pa, sinunod ko lang ang lahat ng ebidensiya na hawak ko at lahat ng ebidensiyang nakuha ko ay nagtuturo na isa siyang drug dealer.

            Sa isip ay minumura ko ang sarili ko. Nagsisisi kung bakit ko pa nahuli si Meara noon. 'Tangina. Kung puwede ko lang ibalik ang nakaraan, ako mismo ang sasagip sa kanya doon.

            Napabuga ako ng hangin. Pakiramdam ko kagagawan ko kung bakit nasa ganitong sitwasyon si Meara at ang anak niya. Kaya ako dapat ang gumawa ng paraan para mailigtas ko sila sa walanghiyang asawa niya.

            Kinuha ko ang laptop ko sa bag at binuksan iyon. Nagsimula akong mag-search ng mga pulis na involved sa pagkakahuli niya. Alam ko kung nasaan si Varona. Si Chief Magtanggol ay retired na at hindi na alam kung nasaan. Ang ibang mga pulis na kasama doon ay wala na rin sa serbisyo. Mahina akong napamura. Paano 'to? Si Vic na lang ang madidikdik ko pero sa tingin ko, wala akong makukuhang maayos na detalye doon.

            Pero sino ang opisyal na gumahasa kay Meara? Was it Chief Magtanggol? Pero naalala ko, hindi naman na-promote si Chief matapos mawala ni Meara. Limang taon pa siyang naging Chief ng department namin bago siya na-promote at nalipat sa ibang lugar. Who could that officer be?

            Inis kong dinampot ang telepono ko at tinawagan si Ghost. Tulad ng dati, matagal na naman bago sumagot. Seryoso pa rin ang timbre ng boses nang sagutin ang tawag ko.

            "Do you have a report about Perry?"

            Napakamot ako ng ulo. "He's here. Having a family time with his wife and kid."

            "Family time, huh? After he killed another person?"

            "Ghost, come on. Konting panahon pa. Hindi ko basta-basta masusundan si Perry. Mas may importante akong ginagawa dito."

            "Like what?"

            Napahinga ako ng malalim. "His wife. He is abusing his wife. Beating her. Like hardcore beating her."

            Napa-hmm lang si Ghost. Alam ko naman na alam niya ang tungkol doon. Si Ghost pa ba? Daig pa nito si Nostradamus. Bago pa mangyari ang mga bagay-bagay ay alam na niya at nakapag-isip na siya ng kung anong magagawa niya.

            "I need to save them." Sabi ko pa.

            "You are there to follow Perry not to interfere with his personal life. Tigilan mo ang asawa. Hindi siya ang mission mo." Seryosong sagot niya.

            Napakunot ang noo ko. Tama ba ang naririnig ko na sagot niya?

             "Am I hearing you right?" Paniniguro ko.