PERFECT LIE (COMPLETE)

CHAPTER THIRTY-SIX (Fresh Start)

A fresh start is not a new place. It's a new mindset.

------------------------

Meara

"Mom, where is Kuya Riel?"

Nilingon ko ang anak ko na kagigising lang at naupo sa harap ng mesa. Hinarap ko uli ang niluluto kong almusal at hindi siya sinagot. Nasaan nga ba si Riel? Hindi ko din alam. Nang umalis siya two nights ago ay hindi na siya umuwi. Nag-aalala ako. Baka kung ano na ang nangyari sa kanya. Kitang-kita ko ang galit sa mga mata niya nang umalis siya dito. Pinuntahan ba niya si Perry?

"I... I think he went to a friend," iyon na lang ang isinagot ko sa anak ko at inilapag ko sa harap niya ang isang cup ng hot chocolate.

Napalabi si River. "He never stays home. He's been out for days already. He is just coming here to take a bath then he will leave again. He is not playing with me anymore." Dama ko ang tampo sa tono niya. "Do you think he is mad at me?"

Ngumiti ako ng pilit. Totoo iyon. Ramdam kong umiiwas si Riel kaya hindi nga nagtatagal dito considering na bahay niya ito.

"Of course not. Why is he going to get mad at you? Maybe he is just busy taking things for himself. You know. Adult stuff." Ngayon naman ay inilapag ko sa harap niya ang isang plato ng kanin at bowl ng sauteed broccoli and beef. Tumingin siya sa akin nang makahulugan at tinaasan ko lang siya ng kilay. "Eat your veggies. If not, I am going to tell Riel that you didn't eat that."

Sumimangot ang mukha ni River at kumutsara ng broccoli tapos ay kinain. "Happy now, Mom?"

"Good." iyon na lang ang tanging sagot ko at muling hinarap ang ginagawa ko. Gusto kong magkausap kami ni Riel. Damang-dama ko ang biglang pagbabago ng pakikitungo niya sa akin magmula nang may mangyari sa amin nang gabing iyon. That kiss. It ruined everything.

Naitukod ko ang kamay ko sa lababo. Wala sa loob na nahawakan ko ang labi ko.

Because that kissed ruined my self-control too. Every night, I was thinking to taste his kiss again.

Luka-luka ka talaga, Meara. Hindi mo pa naaayos ang buhay mo, iyan ka na naman. Hindi lahat ng lalaking nagpapakita ng kabutihan sa iyo, magkakagusto ka na. Hindi ka gusto ni Riel. Naaawa lang siya sa iyo. Iba ang awa sa pagmamahal.

Nangilid ang luha ko nang maisip iyon at napahinga ng malalim. Alam kong iyon lang naman talaga ang nararamdaman ni Riel. Awa. Kahit kailan, walang matinong lalaki ang magkakagusto sa katulad kong pinagsawaan na ng ibang lalaki. Maybe that was the reason why Perry was beating me up. Because am I trash. And I belong to a trash.

Narinig kong may nag-doorbell kaya agad akong kumuha ng paper towel at tinuyo ang kamay ko: Tumayo din agad si River at tumakbo patungo sa gate. Alam kong ini-expect ng anak ko na si Riel iyon pero alam ko ng hindi. Dahil hindi naman nagdo-doorbell si Riel kapag dumarating dito.

"Mom! You have a visitor."

Hindi na ako nakalabas ng bahay dahil nasa pinto na at nakatayo doon ang bisitang sinasabi ni River. Si Attorney Suarez. May dala pa siyang bulaklak at nakangiti sa akin.

"Good morning. Fresh flowers for you," iniabot niya ang bulaklak sa akin at napatingin ako sa anak ko na nagtatanong ang tingin sa akin at sa bulaklak na ibinigay ni Attorney. Kahit nagtataka ay kinuha ko iyon dahil nakakahiya namang tumanggi.

"Good morning, Attorney. Come in," pinapasok ko siya sinenyasan kong maupo sa couch. "Do you want anything? Coffee? Juice?"

"What do you have for breakfast?" Nakangiti pa ring tanong niya.