"ဟုတ်ကဲ့ အမိန့်ရှိပါ"
"ဘာ!"
"ဟုတ်ပြီ ငါအမြန်ပြန်လာခဲ့မယ်"
တစ်ဖက်ကလက်အောက်ငယ်သားပို့လာသော သတင်းစကားကြောင့် ဦးရာဖေဖုန်းကိုတောင်ဆောင့်ချလိုက်မိသည်။
"ဘာဖြစ်လို့လဲ အကိုရယ်...မထိတ်သာမလန့်သာရှိလိုက်တာ"
ဝိုင်းထဲကကွပ်ပျစ်ပေါ်မှာဆန်ဖွပ်နေရင်း အိမ်ပေါ်ထပ်မှထွက်ပေါ်လာသောကျယ်လောင်သည့်စကားသံကြောင့် ဒေါ်တင်ကြည်အိမ်ပေါ်တတ်ပြေးတတ်လာခဲ့ရသည်။ထင်သည့်အတိုင်း ယောင်္ကျားဖြစ်သူမှာမျက်နှာကြီးနီရဲနေကာ ဖုန်းကိုတောင်ဆောင့်ချလိုက်သေးသည်။
"ကိုယ်တို့ရန်ကုန်အမြန်ပြန်ရမယ် ကြည်"
"ဟင် ဘာပြဿနာဖြစ်လို့လဲ"
"မြို့မကျောင်းကကျောင်းသားတချို့ဆန္ဒပြကြတယ်တဲ့ အဲတာ... ဟိုဘက်ကလည်း အင်အားသုံးပြီးဖြိုခွင်းနေတယ်ကြားတယ်"
"အို...ဘုရားဘုရား ကျောင်းသားတွေဘာမှမဖြစ်ပါစေနဲ့"
ကြည်ကဆန္ဒပြကျောင်းသားတွေကိုဆုတောင်းပေးရင်း ရင်ဘတ်ကိုလည်းလက်နှင့်ဖိထားသေးသည်။
အမျိုးသမီးဖြစ်သူ၏ပုခုံးလေးကိုထွေးဖက်လို့ဦးရာဖေနှစ်သိမ့်ပေးမိသည်။သားမွေးထားသည့်မိခင်ဖြစ်တာကြောင့် အခြားကလေးတွေကိုအခုလိုစိတ်ပူပေးတာမထူးဆန်းပါ။
ရာဖေဆိုတာအမျိုးသားလှုပ်ရှားမှုခေါင်းဆောင်တစ်ဖြစ်လည်း ဝံသာနုကြီးတစ်ယောက်ဖြစ်သည်။ရာထူးရာကံမမက်မောဘဲ နိုင်ငံ့လွတ်လပ်ရေးကိုသာရှေးရှုသူတစ်ဦးဖြစ်တာကြောင့် လက်အောက်ငယ်သားတွေအားလုံးလေးစားအားကျရတာဖြစ်သည်။အခုပြဿနာကိုလည်း သူတို့ဘယ်လိုဖြေရှင်းရမလဲမသိသည့်အဆုံးမှရာဖေ့ကိုဆက်သွယ်ခြင်း။ကျောင်းသားတွေ၏အသက်နှင့်လုံခြုံရေးကအရေးကြီးတာကြောင့် သူတို့မနက်ဖြန်မနက်စောစောပြန်ဖို့ဆုံးဖြတ်လိုက်ကြသည်။
"ဒါနဲ့ ကြည့်သားကိုအသိပေးလိုက်ပါဦး ပြောတော့ရွာကိုမလာချင်ဘူးလေးဘာလေးနဲ့ အခုများတော့ဖမ်းလို့တောင်မမိတော့ဘူး"
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...