"သော်က"
"သြော် ဆရာ"
လဲပြိုကျနေသည့်သစ်ပင်တစ်ခု၏ ပင်စည်ပေါ်ထိုင်နေသည့် သော်ကဘေးသို့ရာဇလည်းဝင်ထိုင်လိုက်သည်။
ခဏကြာသည်အထိ သူတို့နှစ်ယောက်ကြားတွင်တိတ်ဆိတ်နေသည်။ထို့နောက်မှတိတ်ဆိတ်မှုကိုရာဇ၏အမေးသံဖြင့်ဖြိုခွင်းလိုက်၏။
"အဆင်မပြေတာရှိသလား ငါ့တပည့်"
သော်ကကသက်ပြင်းချကာဖြေသည်။
"မသိဘူးဆရာ ကျွန်တော်အဆင်ပြေနေသလား အဆင်မပြေနေသလားတောင်မသိတော့ဘူး"
သော်က၏မျက်နှာတွင်စိတ်ရှုပ်ထွေးမှု၊နားမလည်နိုင်မှုများကအထင်းသား။
"ကိုယ့်အကြောင်းကိုကိုယ့်လောက်ဘယ်သူမှမသိပါဘူးကွာ သေချာစဥ်းစားကြည့်ပါဦး"
ရာဇပြောတော့ သော်ကတစ်ယောက်စဥ်းစားသလိုပုံစံမျိုးဖြင့်ခဏတိတ်သွားသည်။ခဏကြာမှ
"ကျွန်တော်လူသတ်ခဲ့တာလေ ဆရာ"
ရာဇဘာမှပြန်မပြောဘဲ သော်ကပြောလာမည်များကိုသာနားစွင့်နေလိုက်သည်။သူ့အနေနဲ့အားကိုးရသည့်တပည့်ကိုနှစ်သိမ့်ပေးဖို့လိုအပ်ပါသည်။ထို့ပြင်...သော်ကကယ်လို့သာ ရာဇအသက်ရှင်နေရတာမဟုတ်လား။
"အဲလိုလူသတ်ခဲ့တာတောင် စိတ်မသက်မသာဖြစ်တာတွေမရှိဘဲ စိတ်ပေါ့ပါးသွားသလိုခံစားနေရတယ် ဘယ်လိုပြောရမလဲ နှစ်အကြာကြီးကိုယ့်ကိုဒုက္ခပေးနေတဲ့ရောဂါတစ်ခုကိုရှင်းထုတ်လိုက်နိုင်တဲ့ခံစားချက်မျိုး"
နှစ်သိမ့်ပေးရမည်ဟုရာဇထင်ခဲ့သော်လည်း ထိုသို့မဟုတ်ခဲ့ဘူးပြန်။သော်ကကလူသတ်မိလို့စိတ်ညစ်နေတာမဟုတ် စိတ်ပေါ့ပါးနေတယ်ဆိုတော့ကာ...အင်း နည်းနည်းတော့စဥ်းစားစရာဖြစ်သွားပြီ။
"မင်း ဦးသိုက်ခမ်းနဲ့အရင်ကရန်ငြိုးတွေဘာတွေရှိလို့လား"
"ကျွန်တော်...ကျွန်တော်မသိဘူးဆရာ ဒါပေမဲ့ ဒီလူ့ကိုစတွေ့တုန်းကတော့ရင်းနှီးနေသလိုပဲ ကောင်းသောရင်းနှီးခြင်းမဟုတ်ဘဲ...ဘယ်လိုပြောရမလဲ ရန်သူနဲ့တွေ့လိုက်ရသလို ကျွန်တော့်သွေးတွေဆူပွက်လာတာ မဖြစ်နိုင်ဘူးမလား သူနဲ့ကျွန်တော်နဲ့ကသုံးခေါက်တောင်ပြည့်အောင်မတွေ့ဖူးတာကို"
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...