နေ့လည်နေ့ခင်း,အပူချိန်လွန်နေသည့်အချိန်တွင်ဖြစ်သည်။ယပ်တောင်ကိုယ်စီဖြင့်ရာဇတို့၏အိပ်ခန်းကြမ်းပြင်တွင် ရာဇ၊သက်လယ်နဲ့တပည့်သုံးယောက်မှာစက်ဝိုင်းပုံစံဝိုင်း၏ထိုင်နေကြသည်။အကြောင်းမှာ အဖေပြောတဲ့စေ့စပ်ပွဲနဲ့မင်္ဂလာပွဲဖျက်ရန်ပင်ဖြစ်လေ၏။ထို့ကြောင့် သူတို့အားလုံးခေါင်းချင်းဆိုင်ကာအကြံစည်ထုတ်နေခြင်း။
"ကိုကို ကျွန်တော့်ကိုအဲ့သည့်မိန်းကလေးအကြောင်းသိသလောက်ပြောပြပေးပါလား"
ထိုမိန်းကလေးကိုပထုတ်ရန်ကြံစည်ရာ၌ထိုမိန်းကလေး၏အကြောင်းတွေပါသိထားဖို့လိုအပ်သည်ဟုယူဆတာကြောင့်စောလွန်းမေးလိုက်ခြင်းဖြစ်သည်။
"အင်း သူနာမည်ကယဥ်ယဥ်မြိုင် အဖေကမြို့အုပ်မင်းဦးစိန်မြိုင် အမေကတော့နိုင်ငံခြားသူတစ်ယောက်ပဲ မောင်လေးတစ်ယောက်လည်းရှိတယ် တုံတုံတဲ့"
ထိုအခိုက် ဘာကိုမျှစိုက်မဝင်စားသလိုငုံ့နေသည့်သော်က၏ဦးခေါင်းသည်မတ်ခနဲတစ်ချက်ဖြစ်သွားလေသည်။သို့သော် အားလုံးကသူ့အာရုံနဲ့သူဖြစ်နေတာကြောင့် ဘယ်သူမှတော့သတိမထားမိလိုက်။
"အထည်ကြီးပျက်တွေကြားမယ်မြိုင့်ကိုမသိတဲ့သူကခပ်ရှားရှားရယ် သူမကရာထူးကြီးပိုင်းတွေဘိလပ်ပြန်တွေအသိုင်းအဝိုင်းကြီးတွေကိုပဲအထင်ကြီးတာ။ပြီးတော့ အဲ့သည်လိုလူမျိုးတွေကပဲသူမအနားကပ်နိုင်ကြတယ်လေ ရှင်းရှင်းပြောရရင်ဖြင့် အလှဂုဏ်ကြောင့်မာနကြီးနေတဲ့မိန်းမတစ်ယောက်ပေါ့"
ကိုကိုပြောသမျှကိုစောလွန်းနဲ့ကျန်သူတွေအားလုံးကခေါင်းတငြိမ့်ငြိမ့်နဲ့နားထောင်ကြသည်။
"ဒါဆို သူမအနားကိုရာထူးကြီး၊အသိုင်းအဝိုင်းကြီး၊ဘိလပ်ပြန် မည်သူမဆိုကပ်နိုင်တယ်ပေါ့"
"အင်း ဟုတ်တယ်လို့ပြောလို့ရတယ် သက်လယ်ကဘာလုပ်မလို့တုန်း"
စောလွန်းပြုံးလိုက်သည်။သို့သော် သည်တစ်ခါအပြုံးကတော့ ဖြူစင်မှုနတ္တိနှင့် စောလွန်း၏အမှောင်ဘက်ခြမ်းကိုလှစ်ဟပြနေသလို....
"လာခဲ့ကြ"
အားလုံးကိုနီးကပ်စွာခေါ်လိုက်တော့ သူတို့ခေါင်းတွေအချင်းချင်းပူးကပ်လုနီးဖြစ်သွားသည့်အခါမှ စောလွန်းလည်းအကြံအစည်ကိုတိုးတိုးကပ်ကပ်နဲ့ပြောပြလိုက်သည်။
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...