ညအချိန် ပုစဉ်းရင်ကွဲသံတချို့ကဆူညံစွာထွက်ပေါ်နေလျက်ရှိသည်။ထိန်ထိန်သာနေသည့်လရောင်၏ဖြာကျမှုအောက်ဝယ်ရှိနေသောတဲလေးတစ်ခုတွင်တော့ ခပ်ထွားထွားကိုယ်နှင့် ခန့်ညားသည့်လူတစ်ယောက်ဟာ မျက်ဝန်းအစုံကိုဖိပိတ်လို့ငြိမ်းချမ်းစွာအိပ်စက်လို့နေသည်။
စိုစွတ်နေဆဲမျက်ထောင်ဖျားတွေနှင့် ရေကွက်လိုအကွက်လိုက်ကလေးဖြစ်နေသည့်ခေါင်းအုံကိုကြည့်ခြင်းဖြင့် ငိုနေရင်းအိပ်ပျော်သွားသည်မှာသိသာစွာ။
အိပ်စက်ခြင်းကသာ သူ့အတွက်နာကျင်မှုတွေမှ လွတ်မြောက်ရာဖြစ်ပုံပင်။
ငြိမ်သက်အိပ်စက်နေရင်းမှ ကော့ညွှတ်လာသည့်နှုတ်ခမ်းလေးတွေ...အိပ်မက်မက်နေခြင်းပေလား။
အဘယ်လောက်လှပသည့်အိပ်မက်ကိုမက်နေလို့ သင်ဟာဤမျှပြုံးနေရပါသလဲ အိပ်မက်ရှင်ရယ်....
.
."ကိုကို ဟိုအလုံးခူး ဟိုအလုံးပိုကြီးတယ်"
ရာဇရောက်ရှိနေသည့်နေရာထက်အနည်းငယ်မြင့်သည့်နေရာတွင်ရှိနေသည့် သရက်သီးကိုလက်ညှိုးထိုးရင်း မြေပြင်ပေါ်ကနေခုန်ဆွခုန်ဆွနှင့်ပြောနေသည့်ပိစိ။လက်ထဲမှာလည်း သရက်သီးဖမ်းဖို့ပုဆိုးစုတ်လေးကအဆင်သင့်။
"ဟုတ်ပြီ ခူးပေးမယ်"
ကလေးတစ်ယောက်ကိုအလိုလိုက်သလိုမျိုး ရာဇပြောပြီး သစ်ကိုင်းခွကြားမှာထိုင်နေရာမှအနည်းငယ်ကြွလိုက်သည်။ပိုမြင့်သည့်သစ်ကိုင်းဆီသူကူးပြောင်းရမည်မဟုတ်လား။
"ပိစိလေး မင်းရော သရက်သီးခူးတတ်အောင်လေ့ကျင့်ဖို့အစီအစဥ်မရှိဘူးလား"
"မရှိပါဘူး"
"ဘာလို့လဲ"
"ကိုကို့ကိုပဲခူးခိုင်းမလို့လေ"
ပိစိ၏စကားကြောင့် သစ်ပင်တတ်နေသည့်ရာဇ မြေပြင်ပေါ်ကကလေးပေါက်စကိုငုံ့ကြည့်မိသည်။မျက်ခုံးလေးပင့်ကာပင့်ကာလုပ်နေသည့်အမူအရာနှင့်မျက်နှာပေးလေးက ကိုယ့်ကိုအမြဲခိုင်းစားချင်နေသည့်ဟန်။
"ဟင် ကိုကိုကအမြဲခူးပေးမယ်မဟုတ်လား"
"ဒါပေါ့ ခူးပေးမှာပေါ့"
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...