المامبا السوداء.

Part "12"

المَامبا السَوداء.

بِقلمي:-نَــوة احمد.

قراءة مُمتعة

_____________

"مَرنان.

:-وانا اش اسوي بأسمك ليبير منو انت بالضبط، لويش صرت مُنقذي المزعوم، واش عرفك بيّ.

قهقه ودار عيونه لي لثواني ورجعها ع الطريق.:- منو الما يعرفج حبيبي، الشهرة تليق بيج يا جميلة.

مَرنان:-على ايش الشهرة، ولويش فجأة صرت محور حياة الكُل.؟

:-ظهرتي ع الساحة بوقت غلط، جدج للأن ما هدئ، دب النار بين الاطراف كُلها، وخلاج بالواجهة للثأر.

انداريت عليه بكُل جسدي:-منو الراد يقتلني لما اخذتني؟

وجه انظارة لي وبعيون غامضة تمتم بصوت بالكاد ينسمع:-تعرفين بمرور الوقت.

مَرنان:-وين رايحين هسة؟

زفر بضجر:-تسألين هواي يبنت، رايحين لمكان يكون أمن عليج.

قهقهت بعلوا، لمحت ايديه تشتد ع المقود وعيونة تاهت لثواني يناظرني.

مَرنان:-أمن عليّ؟ هو انا منتظرة اللحضة التحاول تأذيني بيها حتى ازين رقبتك بطعنة تسلب حياتك. وتريدني اثق بيك وأمن على روحي؟ فعلًا إنك ساذج. رجعني على بيت المُهر .

ليبير:-لوين ارجعج؟ لبيت المُهر وانتِ كنتي رح تموتي بشارع منطقتها؟ لا تحلمي.

مَرنان:-وتريد تاخذني معك غصب عني .

هز راسة بدون ما يناظرني:-بالضبط.

اومئت لَه بهدوء بالغ:-يجرالك.

مباشرة فتحت باب السيارة ناوية إني انط مِنها وسط الشارع الكله سيارات، لَكن يدة المسكت ايدي تسحبني منعتني.

فورًا ضربت ايدة بقوة ابعدها عن ايدي:-المسني المرة الجاية وما رَح تلقى ايدك بمحلها.

صرخ يضرب مقود السيارة:-انتِ مجنونة، شلون هيجي تسوين، لو ما ماسكج وناطة، كان هسة انتِ بالبرزخ، غبية.

انقضيت عليه امسك راسة واضربه بالجام، دفعني يمسك ايدي بأيد وحدة يوقف السيارة على جنب،قيدني بقوة بأيديه .

:-انتِ ما يفيد معاج الكلام ولا الضرب.

اندار ليورا يدور على شيء، تجننت لما شفته حبل، تحركت بفوضوية احاول احرر ايدي منة، لكن قبضتة قوية.

:-اثبتي لا تطلعين جناني عليج، ما جذب الگال عاصفة مجنونة.

قيدني بطريقة مستحيل اگدر افك حالي منها.

رجع يشغل السيارة يستمر بالطريق، يتجاهل كُل صراخي عليه .

ضربت رجلي بأرض السيارة اصرخ بجزع:-بس تفكني قسمًا لأخلي راسك يقبل الارض بطريقة حميمية.