အခန်း ( ၂၈ ) ကျွင်းရှောင်ယောက်က ဘာမှ ထူးခြားမှုမရှိဘူး၊ ရဲ့ရှင်းယွင် တုန်လှုပ်ရခြင်း
ရဲ့ရှင်းယွင်စကားသံဟာ ခန်းမတစ်ခုလုံးကို တိတ်ဆိတ်သွားစေခဲ့၏။
သူ့စကားကြောင့် အင်အားစုအားလုံးမှ ကျွမ်းကျင်သူများ တုန်လှုပ်စွာဖြင့် လှည့်ကြည့်လိုက်ကြသည်။
"ဒါက ရှေးဟောင်းရဲ့မိသားစုက ကြယ်တာအိုခန္ဓာနဲ့ ပါရမီရှင်ပဲ... သူက နတ်ဘုရားသားတော်ကို ဘာလုပ်ချင်နေတာလဲ"
"ဟုတ်ပါ့ဗျာ... ဒါက ကျွင်းမိသားစုက နတ်ဘုရားသားတော်ရဲ့ ဆယ်နှစ်ပြည့်မွေးနေ့ပွဲကို... ရဲ့ရှင်းယွင်က ဒီလိုမျိုးပြောဝံ့တာ ကျုပ်ဖြင့် ယုံတောင်မယုံနိုင်ဘူး"
"တကယ်တော့ ရဲ့ရှင်းယွင်က ကျန်းမိသားစုရဲ့ ပုလဲရတနာလေးကို သဘောကျနေတာတဲ့ဗျ"
ခန်းမကြီးအတွင်းရှိ ဧည့်သည်များဟာ အချင်းချင်း တီးတိုးပြောဆိုလိုက်ကြသည်။
သူတို့က အသံကျယ်ကျယ်တော့ မပြောဝံ့ပေ။
နောက်ဆုံးတွင် ရဲ့မိသားစုက ဩဇာတိက္ကမကြီးမားသော ရှေးဟောင်းကလန်တစ်ခုပင် မဟုတ်ပါလား။
ဤသို့သော အင်အားစုများကြားတွင် ဝင်ရောက်စွတ်ဖက်ခြင်းက ဉာဏ်မရှိရာ ကျသည်။
ရဲ့ရှင်းယွင်နံဘေးမှ အစေခံအဘိုးကြီးမှာတော့ ထိုစကားကြောင့် ထိတ်လန့်တကြားဖြစ်သွား၏။
"သခင်လေး... ဒီလိုမျိုး မနောက်ပါနဲ့"
ရဲ့ရှင်းယွင်၏ အစေခံက ကမန်းကတန်း ထပြောလိုက်သည်။
"တော်လောက်ပြီ ဦးလေးဖူ... ကျွန်တော်က ဒီမှာ ပြဿနာလာရှာတာ မဟုတ်ဘူး..။ နတ်ဘုရားသားတော်ကိုမြင်တော့ စိတ်လှုပ်ရှားသွားလို့ပါ"
ရဲ့ရှင်းယွင် တားမြစ်လိုက်သည်။
သူချစ်ရသူက တခြားတစ်ယောက်ရှေ့တွင် ကြည်နူးဟန်ဖြင့် ရပ်နေပေရာ ရဲ့ရှင်းယွင် လုံးဝ သည်းမခံနိုင်တော့ပေ။
"ကျွင်းမိသားစုက နတ်ဘုရားသားတော် ဘယ်လိုသဘောရလဲ..။ ကျုပ်က ခင်ဗျားနဲ့ယှဉ်ပြီး ဂုဏ်ယူလို့ရမလား"
ရဲ့ရှင်းယွင်က ဒေါသကို အကောင်းဆုံးထိန်းချုပ်၍ ပြောလိုက်သည်။
YOU ARE READING
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
