အခန်း ( ၂၂၁ ) ရန်ယုမန် ဝင်စွက်ဖက်သည်၊ မင်းခန္ဓာကိုယ်က ဘာလဲ။
ကျွင်းရှောင်ယောက်၏ စွမ်းဆောင်မှုက လူတိုင်းကို အံ့အားသင့်စေပြီး အချိန်အတော်ကြာသည်အထိ သတိပြန်ဝင်ခြင်း မရှိတော့ပါ။
ကောင်းကင်နတ်ဆိုးမင်းသား သို့သော် အပြစ်သားများဘက်မှ အသန်မာဆုံး ကောင်းကင်ဂုဏ်ဆောင် ပါရမီရှင်တစ်ဦး…
ယခုတော့ ကျွင်းရှောင်ယောက်၏လက်ထဲတွင် နှစ်ကွက်တည်းဖြင့် ရှုံးနိမ့်သွားခဲ့ရချေပြီ။
ဤအဖြူရောင်ဝတ် ကျွင်းမိသားစု၏ နတ်ဘုရားသားတော်က ဘယ်လောက်တောင် သန်မာနေသနည်း။
ကျွင်းရှောင်ယောက်၏ မျက်လုံးများက လျစ်လျူရှုခြင်းများဖြင့် ပြည့်နှက်နေသည်။
သူက ကောင်းကင်နတ်ဆိုးမင်းသားကို ထပ်မံတိုက်ခိုက်လိုက်၏။
ဤတစ်ခါတော့ ကောင်းကင်နတ်ဆိုးမင်းသားကို လုံးဝ သတ်ပစ်ရတော့မည်။
"အတင့်ရဲလိုက်တာ"
ကောင်းကင်နတ်ဆိုး တော်ဝင်မိသားစု၏ သူတော်စင်က ဒေါသတကြီးဖြင့် အော်ငေါက်လိုက်သည်။
ကျွင်းရှောင်ယောက်၏ အထောက်အထားက မြင့်မားလွန်းကာ ကျွင်းမိသားစု၏ နတ်ဘုရားသားတော် ဖြစ်သည်။
သို့တိုင် ကောင်းကင်နတ်ဆိုးမင်းသား အသတ်ခံရမှာကို ဤအတိုင်း ကြည့်မနေနိုင်တော့ပါ။
ထို့ကြောင့် အကြီးဖြစ်ပြီး အငယ်ကိုအနိုင်ကျင့်သည်ဟု ဆိုကြလျှင်ပင် ကောင်းကင်နတ်ဆိုး တော်ဝင်မိသားစု၏ သူတော်စင်များက လှုပ်ရှားရတော့မည် ဖြစ်သည်။
ထိုအချိန်တွင် သူတော်စင်အရှိန်အဝါများက လေထဲတွင် ထွက်ပေါ်လာပြန်သည်။
"အတင့်ရဲတာက မင်းပဲ"
တုန်ရွှမ်ဘိုးဘေးနှင့် အခြားနောက်လိုက်များ ပေါ်လာကာ ကောင်းကင်နတ်ဆိုး တော်ဝင်မိသားစု၏ သူတော်စင်ကို ဟန့်တားလိုက်ကြသည်။
"သေ"
ကျွင်းရှောင်ယောက်၏ မျက်နှာအမူအရာက မပြောင်းလဲဘဲ ထပ်မံရိုက်ချလိုက်သည်။
သူ့အတွက် ကောင်းကင်နတ်ဆိုးမင်းသားကို သတ်ဖြတ်ခြင်းက ရိုးရှင်းသောကိစ္စတစ်ခုပင်။
YOU ARE READING
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
