အခန်း ( ၂၀၁ ) ကံကြမ္မာသားတော် အသေခံသွားပြီ၊ ကြွေလွင့်နတ်ဘုရားသားတော်၏ သံသယများ၊ စစ်နတ်ဆိုးနန်းတော်၏ သတ္တမျိုးဆက် နန်းတော်သခင်။
ဟွမ်ချွမ်မြင့်မြတ်သားတော်၊ သွေး အသူရာနဲ့ ထျန်းရှသားတော်တို့က ဟွမ်ချွမ်တောင်ကြား၊ အသူရာဂိုဏ်းနဲ့ ထျန်းရှာဂိုဏ်းရဲ့ ထိပ်တန်းပါရမီရှင်တွေပါ။
အနက်ရောင်ချပ်ဝတ်တန်ဆာ ဝတ်ဆင်ထားတဲ့ လူငယ်လိုပဲ ဟူက စန်းလော့တိုက်ကြီးရဲ့ လူငယ်မျိုးဆက်မှာ အထွတ်အထိပ် တည်ရှိမှုတို့ဖြစ်လေသည်။
"ဂုဏ်သိက္ခာရှိတဲ့ စစ်နတ်ဆိုးနန်းတော်က ရန်ဖေးကို ဖင်းဂေါ့ဝါးမျိုကျမ်းရဲ့ ဆက်ခံသူဖြစ်နေမယ်လို့ ထင်မထားခဲ့ဘူး။ ဒါက တကယ့်ကို မမျှော်လင့်ထားပါဘူး"
ဟွမ်ချွမ်မြင့်မြတ်သားတော်က အေးစက်စက်ပြုံးပြီး ပြောလိုက်သည်။
ရန်ဖေးက အနက်ရောင်ချပ်ဝတ်နဲ့ စစ်နတ်ဆိုးနန်းတော်ရဲ့ အပြောင်မြောက်ဆုံး ပါရမီရှင်တစ်ဦး ဖြစ်လေသည်။
မျက်မမြင်မိန်းကလေးကတော့ သူ့ညီမ ရန်ချင်းယင် ဖြစ်သည်။
"မင်းတို့ အဓိကဂိုဏ်းကြီးသုံးခုက အင်မော်တယ်နယ်မြေကြီးက ပါရမီရှင်ရဲ့ နောက်လိုက်ခွေးဖြစ်လာမယ်လို့ ငါ မမျှော်လင့်ထားဘူး"
ရန်ဖေးကလည်း အေးစက်စက်ဖြင့် ပြောလိုက်၏။
ယင်းကိုကြားတော့ ဟွမ်ချွမ်မြင့်မြတ်သားတော်နှင့် တခြားသူများ၏မျက်နှာက အနည်းငယ် သဘာဝမကျသလို ရှုံ့မဲ့သွားသည်။
"ဟမ့်၊ ကြွေလွင့်နတ်ဘုရားသားတော်ရဲ့ စွမ်းအားကို မင်းက ဘယ်လိုသိမှာလဲ၊ ဒီအောက်ကမ္ဘာမှာ ကြွေလွင့်နတ်ဘုရားသားတော်ကို ဘယ်သူမှ ရန်မစဝံ့ဘူး"
ဟွမ်ချွမ်မြင့်မြတ်သားတော်က အေးစက်စက်ဖြင့် ပြောလိုက်သည်။
"အမှန်ပဲ၊ ကြွေလွင့်နတ်ဘုရားသားတော်ကို မြင်ရတာက မင်းအတွက် ဂုဏ်ယူစရာပဲ။ ဒီတော့ မင်း ငါတို့နဲ့လိုက်ခဲ့ပါ"
ထျန်းရှာသခင်လေးက ပြောလိုက်၏။
"ငါသာ ရှင်သန်နိုင်ရင် အဲဒီကြွေလွင့်နတ်ဘုရားသားတော် ငါ့လက်နဲ့ သတ်မယ်"
ရန်ဖေး၏ အမှောင်မျက်လုံးများက အေးစက်သွားသည်။
YOU ARE READING
ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
