HIRAETH ni PlayfulEros, winner ng Di Ba Ito Ang Iyong GHOSTo? ng WattpadRomancePH
Oops! This image does not follow our content guidelines. To continue publishing, please remove it or upload a different image.
HIRAETH by PlayfulEros
October 18, 2014
"Happy birthday," abot ko sa kaniya ng regalo. Napahinto siya sa paglalakad, napalingon sa akin. Unti-unting kumurba ang mga labi niya.
"Thank you, Rave. Pero hindi ka na dapat nag-abala."
I inhaled. This is my only chance. Ki-kidnapin na siya mamaya ng mga kaibigan niya para sa surprise birthday party niyang alam ng lahat maliban sa kaniya. Felix is oblivious like that... everybody knows except him.
"Gusto kita."
Natigilan siya.
"Gusto kita, Felix."
"Actually, no'ng high school pa."
"I thought you were aware of it. I know your friends were aware of it... even now. They were aware, everyone else was aware that I liked you... except you."
"Raven," lumapit siya sa akin.
"I know," he smiled. "I've always known and I—"
"Halika na rito, birthday boy!" sigaw ng isang lalaki, lumabas ito mula sa sasakyan kasama ang tatlo pang lalaki. Hinila nila si Felix.
"Jas, sanda—"
"Rave, hatid ka na namin?" lingon sa akin ni Jasper. Umiling ako.
"Ingat kayo." Naglakad na ako palayo.
***
October 18, 2022
Naiinis ako kapag nakikita ang petsa. Bukod sa Martes pa lang at matagal pa ang weekend, pinapaalala nito ang taong halos sampung taon ko nang sinusubukang kalimutan pero hindi ko malimut-limot.
"Nandito na siya!" bulong ni RC pagkapasok ko.
"Happy birthday!" sigaw nila.
"Ano, nagparamdam na ba?" tanong ni Daniel, nang-aasar.
"Paramdam? Ano 'yon, multo?" komento ni Pat.
"Huwag kayong ganiyan, baka ma-tempt na naman 'yang i-unblock 'yun. Paano nga 'yun? 'I-uunblock ko na siya, hindi ko na kaya!'" ani Kyle.
"Uy, grabe na kayo kay Raven. Gusto niyo bang mag-'akala ko 'yun na, eh! He was about to tell me something pero bigla siyang hindi nagparamdam! Huhuhu...' ulit 'yan?" iyak-iyakan ni RC.
"Ano 'yon?"
Napalingon kaming lahat kay Dino na wala pa nga pala rito four years ago.
"Nademonyo ni Kyle si Raven sumama sa inuman no'n. Nagku-kuwentuhan kami tungkol sa mga ex namin tapos itong si RC kinulit si Raven magkuwento. Ayun, kaya pala nananahimik kasi may amats na kaya nung magkuwento siya, ayun umiyak," kuwento ni Cherry kaya nagtawanan sila.
