"သား..ချမ်းက တတိယနှစ်ရောက်နေပြီနော်"
"ဟုတ်တယ်..အန်တီနွေး"
ဒေါ်နွေးနွေးချိူကစားသောက်နေရင်း မေးလာတော့ ချမ်းက တိတ်တဆိတ်စားသောက်နေရာမှ ခေါင်းမော့ဖြေလာသည်။
"သမီးလေး ဒါလီနဲ့အတူတူပဲလေ နွေးရဲ့."
ဒေါ်မေမီက ပြုံးလျက်ဝင်ပြောသည်။
"အော်....ဟုတ်သားပဲ...ကျောင်းချင်းမတူတော့ ရုတ်တရက်မေ့သွားတာ မေမီရေ"
လူခြောက်ယောက်ရှိနေသော ညစာစားပွဲက နှစ်ဖက်မှ မိခင်နှစ်ယောက်အသံသာ ဝေဆာနေသည်။dinnerက ဒေါ်နွေးနွေးချိူတို့အိမ်မှာ စားဖြစ်တာဖြစ်သည်။ခြံထဲရှိ မြက်ခင်းစိမ်းပေါ်တွင် အဖြူရောင်စားပွဲရှည်ကြီးချထားသည်။ချမ်းတို့ မိသားစုသုံးယောက်နဲ့ ဒါလီတို့မိသားစုသုံးယောက်က မျက်နှာချင်းဆိုင်ထိုင်ပြီးစားသောက်နေကြခြင်းဖြစ်သည်။ဘေးနားတွင် အကူ ကောင်မလေးနှစ်ယောက်က လိုအပ်တာလုပ်ပေးရန် ခပ်ရို့ရို့အသင့်ရပ်နေကြသည်။dinnerဆိုပေမဲ့ ညနေ ခြောက်နာရီခန့်သာရှိသေးသည်။
"သမီးဒါလီ...သား ချမ်းကို ဟင်းတွေထည့်ပေးလေကွယ်..သားက ဘာမှလည်းသိပ်မစားဘူး"
"ရပါတယ်..အန်တီ"
ချမ်းက ပန်းကန်ထဲရှိ ထမင်းနဲ့ဟင်းကိုသာစားနေရင်း ဒေါ်နွေးနွေးချိူစကားကြောင့် ဝင်ပြောသည်။ချမ်းက အပြာရောင်ဖျော့ဖျော့ရှပ်တစ်ထည်ကို ဖြူဖျော့ဖျော့ဆင်စွယ်ရောင် ဘောင်းဘီနဲ့တွဲဝတ်ထားသည်။ဆံနွယ်အုပ်အုပ်လေးက နဖူးပေါ်ဝေ့ဝဲကျနေကာ ချမ်း ပုံစံက နုသစ်လန်းဆန်းပုံပေါ်ပေမဲ့ ချမ်း မျက်နှာလေးက အနည်းငယ်ညှိုးနွမ်းနေသည်။
"ရော့..စားနော်..ချမ်း"
ဒါလီက ချမ်း ထမင်းပန်းကန်ထဲ ဟင်းထည့်ပေးလာသည်။
"ချမ်းလေးက အိမ်မှာလည်း အဲလိုပဲနွေးရေ..အစားနည်းတယ်သိလား"
"ဟုတ်လား..."
"ကိုကောင်း..ခုprojectကတော်တော်အောင်မြင်တယ်နော်"
"ဟုတ်တယ် ကိုဖုန်း..ကိုဖုန်းကျေးဇူးတွေ အများကြီးပါတယ်ဗျာ"
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...