"မင်း သဘောပဲ ချမ်းမြေ့ရောင်"
ဒေါ်မေမီ မျက်နှာထားက တည်ငြိမ်တင်းမာနေကာ အေးစက်စက်ဆိုသည်။ချမ်း မာမီရှေ့မှာပင် ကျောက်ရုပ်လေးလိုထိုင်နေမိသည်။မနက်ဖြန် မောင်လာ ခေါ်မည့်အကြောင်း မာမီ့ကို အကျိူးသင့်အကြောင်းသင့် လာပြောပြခြင်းဖြစ်သည်။ချမ်း မာမီ့ဒေါသနဲ့ ရင်ဆိုင်ရမည်ဟု ကြိုတွေးထားပါသော်လည်း မာမီက မထင်ထားအောင်ပင် အေးစက်တည်ငြိမ်နေသည်။
"မာမီ..သားက......"
"မင်း ငါ့ကို ဘာမှရှင်းပြစရာမလိုဘူး...ငါ့ထက် မင်းယောကျာ်းကို မင်း ပိုချစ်ခင်တယ် ပိုယုံကြည်အားကိုးတယ်ဆိုရင် သွားကြ!..သွားပြီးရင်တော့ မြတ်ကုဋေ အရိပ်ကိုတောင် နင်းဖို့တောင် မကြိုးစားနဲ့"
မာမီ့စကားကြောင့် ချမ်း မျက်နှာလေး ငုံ့ကျသွားသည်။ချမ်း ဝမ်းနည်းစိတ်တို့ မြင့်တက်လာပေမဲ့ မာမီ့ရှေ့တွေ မျက်ရည်မကျမိအောင်ထိန်းသည်။မာမီက မောင့်ကို ဘာအကြောင်းပြချက်မှ မရှိဘဲ ခါးခါးသီးသီးဖြစ်လွန်းလှသည်။မာမီ အတ်တကြီးလွန်းပေသည်။သူနဲ့ သားလေးရဲ့ ခံစားချက်ကို နည်းနည်းလေးတောင် ထည့်တွက်မကြည့်။
"ဟုတ်ကဲ့...မာမီ့သဘောပါ...သားကို ခွင့်ပြုပါအုံး"
ချမ်း ထိုမျှပင်ဆိုပြီး ဒေါ်မေမီရှေ့မှ ထွက်ခွာသွားလေသည်။ချမ်း ထွက်သွားပြီးမှ ဒေါ်မေမီ ပါးပြင်ထက် မျက်ရည်ကြောင်းတစ်ကြောင်းဖြတ်သန်းစီးဆင်းကျလာသည်။နောက်ဆုံးတော့ ဒီအချိန်ရောက်လာပြီပဲ။သားရော မြေးလေးရော သူမကို ချန်ထားခဲ့ကြတော့မည်။တွေးရင်း ဒေါ်မေမီ မထိန်းနိုင်တော့ဘဲ ငိုရှိုက်မိသည်။
"မီ"
ခေါ်သံနဲ့ အတူ ဦးကောင်းမြတ်က ဒေါ်မေမီနားရောက်လာသည်။သား အမိနှစ်ယောက် စာကြည့်ခန်းထဲ စကားပြောဆိုနေကြသည်ကို ဦးကောင်းမြတ်သိပါသည်။သား သူ့အမျိူးသားနဲ့ ပြန်ပေါင်းတော့မည်ဆိုတာကိုရော။မီ ဘယ်လိုခံစားနေရမလဲ သူ နားလည်နိုင်ပါသည်။သို့ပေမဲ့ သားတို့မိသားစုလေးကို ခွဲဖို့ဆိုတာ တကယ်မဖြစ်သင့်သည့် ကိစ်စလေ။ဦးကောင်းမြတ်ဝင်လာသည်နဲ့ ဒေါ်မေမီက ငိုရှိုက်နေခြင်း ရပ်တန့်သွားကာ ပါးပြင်ထက်က မျက်ရည်စတွေ လက်ဖြင့် အမြန်ပွတ်သပ်သည်။ဒေါ်မေမီက မာနကြီးကာ သူမပျော့ညံ့သည့်ပုံစံကို ဘယ်သူရှေ့မှာမှ ဖော်ထုတ်လိုခြင်း မရှိပေ။သို့ပေမဲ့ ဦးကောင်းမြတ်သည် နှစ်ရှည်လများပေါင်းသင်းလာသည့် ဇနီးဖြစ်သူအကြောင်းကို ကောင်းကောင်းသိပါသည်။
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...