"တိုက်ကား စီးကြမယ် ပါးပါး"
Sunလေးက သူ့ ဒယ်ဒီနဲ့ပါးပါး လက်ကို တစ်ဖက် တစ်ယောက်စီ တွဲကိုင်ထားရင်းမှ အော်သည်။တိုက် ကားကွင်းနားရပ်နေသည့် လူအချိူ့ရဲ့ အကြည့်တွေက ချမ်းတို့ထံကျရောက်လာသည်။အများစုက ကလေးမိဘတွေ ဖြစ်ပုံပေါ်ကာ အသက်အစိတ်သုံးဆယ် ဝန်းကျင်တွေဖြစ်သည်။
"လိင်တူ စုံတွဲဟဲ့"
"ဝါးးးဟုတ်သား..နှစ်ယောက်စလုံးက အမိုက်စားပဲ"
"ကလေးလေးကလည်း ချစ်စရာလေး"
"ဒါနဲ့ ဘယ်သူက ကလေးမွေးတာလဲ"
"ကလေးမွေးနိုင်တာလား...မွေးစားထားတာလား"
"မွေးစားထားတာ ထင်တယ်"
ချမ်းတို့ကို ကွက်ကြည့် ကွက်ကြည့် လုပ်ရင်း တီးတိုးဝေဖန်သံတွေ ထွက်ပေါ်လာသည်။သူ့တို့အတွက် လိင်တူစုံတွဲတွေက အထူးအဆန်း ဝေဖန်စရာဖြစ်နေသည်။ကလေးလေး ပါ ပါနေတော့ ပိုဆိုးရောပင်။စိတ်ဝင်စားမှုတွေက ဟိုထိပ်ဆုံးအထိ မြင့်တက်ကုန်သည်။သို့သော် နေ က ဂရုတောင် မစိုက်ပေ။
"ဒယ်ဒီ့သားက စီး ချင်ရင် စီးမှာပေါ့...သားနဲ့ ဒယ်ဒီတစ်စီး စီးမယ်...ပါးပါးက တစ်စီး..စီး...ဟင်...ဘေဘီ"
နေ ဒူးထောက်ထိုင်လိုက်ရင်း သား ကိုစကားပြောပြီး ချမ်း ဘက်လှည့်ကြည့်လိုက်တော့ လှစ်ခနဲ ပျောက်သွားသူကြောင့် မျက်လုံးပြူးသွားရသည်။
"ဘေဘီ!"
ချမ်း က ဘောင်းဘီ အိတ်ထဲ လက်နှစ်ဖက်ထိုးထည့်ကာ အေးဆေးရပ်နေပြီး ခုနက အတင်းတုတ် တီတိုးဝေဖန်နေကြသည့် ဝတ်ကောင်းစားလှ အမျိူးသမီးတစ်သိုက်နဲ့ မျက်နှာချင်းဆိုင် နေသည်။နူးညံ့လှပသည့် အရပ်ရှည်ရှည်ကောင်လေးက ထိပ်တိုက်ရင်ဆိုင်တွေ့လာတော့ ထိုအမျိူးသမီးတစ်သိုက် ပါးစပ်ပိတ်ကာ မျက်နှာတွေ ဟိုလွှဲဒီလွှဲဖြစ်ကုန်သည်။
ချမ်းက မျက်နှာတည်လေးဖြင့်....
"သားက ကျွန်တော်ကိုယ်တိုင် ဗိုက်ခွဲပြီးမွေးထားတာ...ကျွန်တော်တို့ သားအရင်း "
"ရှင်...အဲ..ဟို..ဟုတ်ကဲ့..ဂုဏ်..ဂုဏ်ယူပါတယ်"
ချမ်း ပြောသည်ကို ရှေ့ဆုံးတွင်ရပ်နေသည့် အမျိူးသမီးတစ်ယောက်က ထစ်ထစ်အအ ပြန်ဖြေရှာသည်။
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...
