"သား...မင်းမာမီ နေမကောင်းဘူး"
ဖုန်းတစ်ဖက်မှ ကြားရသည့် ဦးကောင်းမြတ်စကားကြောင့် ချမ်း မျက်နှာထက်စိုးရိမ်ရိပ်လေးတွေ ဖြတ်သန်းပြေးသွားသည်။
"ဘယ်လိုဖြစ်တာလဲ...ဒယ်ဒီ..မာမီ အခု ရော ဘယ်လိုနေသေးလဲဟင်...သား အခုချက်ချင်းလာခဲ့မယ်"
"အရမ်းကြီး မစိုးရိမ်နဲ့သား...ကြီးကြီးမားမား ဘာရောဂါမှ မဟုတ်ပါဘူး...အဓိက,က မင်းတို့ သားအဖနှစ်ယောက်ကို လွမ်းဖျား ဖျားတာကွာ...ဒီမှာ တစ်ပတ်လောက် မျက်နှာလာပြ ကြအုံး"
"ဟုတ်ကဲ့...ဒယ်ဒီ...သားတို့ လာခဲ့ပါမယ်"
"အင်း..သား ခင်ပွန်းကိုလည်း သေချာအကျိူးအကြောင်း ရှင်းပြခဲ့အုံး"
"ဟုတ်ကဲ့...ဒယ်ဒီ...မောင်...အဲ..
သူက နားလည်ပေးတတ်ပါတယ်"
"အင်း..ကောင်းတယ်..ဒယ်ဒီလည်း ဒယ်ဒီ့သမက်နဲ့ တစ်ရက်လောက် အေးဆေးတွေ့ပြီး စကားပြောပါအုံးမယ်"
"ဟုတ်..သား ပြောထားလိုက်ပါမယ်"
"ဟုတ်ပြီ..သား..အဲဒါဆို ဒယ်ဒီ ဖုန်းချပြီ...မင်းတို့ သားအဖ မနက်မှ လာခဲ့ကြပေါ့"
"ဟုတ်ကဲ့..ဒယ်ဒီ"
ဦးကောင်းမြတ်က ပြောပြီး ဖုန်းချသွားပြီဖြစ်သည်။ချမ်း နည်းနည်းတော့ ခေါင်းကိုက်ရပါသည်။မောင်က မာမီ့ နေမကောင်းဆို သေချာပေါက် မာမီ့နားသွားခွင့်ပြုမည် ဆိုပေမဲ့ တစ်ပတ်လောက် သွားနေဖို့ကျတော့ အလွယ်တကူ ခွင့်ပြုမည်မဟုတ်ပေ။သို့ပေမဲ့ ချမ်း မာမီ့နား သေချာပေါက်သွားနေရမည် မဟုတ်လား။
ဦးငယ် နား တစ်လ လောက်သွားနေဖြစ်ပြီး ပြန်ရောက်သည့် အချိန်ထိ မာမီ့ဘက်က သူ့ကို စပြီးအဆက်အသွယ် လုပ်ခဲ့တာမျိူးလည်းမရှိ။ချမ်း ဒယ်ဒီနဲ့ ဖုန်းပြောရင်း မာမီ့ကို မေးလျှင်တောင် မာမီ့က တစ်ခွန်းတစ်လေတောင် ဖုန်းကိုင်ကာ လာပြောသည် မဟုတ်ပေ။တစ်ခါ တစ်လေတော့ သူ့မြေးနဲ့ face checkကြသည်။မာမီ့ ဘယ်လောက် စိတ်ကြီးလည်း ချမ်း သိပါသည်။တစ်ချိန်ချိန်တော့ မောင်နဲ့ မာမီ ပြေလည်ဖို့ ချမ်း မျှော်လင့်ပါသည်။မောင်က ချမ်း စကားနားထောင်မည် ဆိုတာ သိပေမဲ့ ခက်နေတာက မာမီ။
YOU ARE READING
Falling In Love With My Husband.
RomanceSeason 1 သာမာန် လူလတ်တန်းစား မိသားစုက တက်ကြွကာ အလုပ်ကြိုးစားသော ခပ်ချောချော လူဆိုးကောင်လေး နေမင်းတာရာ မျိူးရိုးမြင့် မိသားစုကြီးမှ အနေ အေးဆေးတည်ငြိမ်ကာ နူးညံ့လှပသော ကောင်လေး ချမ်း ဆယ်ကျော်သက်အရွယ်တွင် အချစ်ကိုရုးမိုက်စွာ ကိုးကွယ်ကာ နှစ်ယောက်တစ်ဘဝတည...
