Unicode
" ကွမ်းယွမ် အထက်တန်းကျောင်း.... တန်းခွဲ (၄) ဆုရှောင်းပေါ်"
" ငါးနာရီခွဲဆို ကျောင်းဆင်းပါတယ်.. ကျေးဇူးအများကြီးတင်ပါတယ်"
ထိုနှစ်ခုက ဆုရှောင်းလန် ပေးပို့လိုက်သော အချက်အလက်များ ဖြစ်သည်။
ဆုရှောင်းလန်က ထပ်ပြောပြန်သည်။
" အကြံပေးရှဲ့ရဲ့ ကားလိုင်စင်နံပါတ်ကို သူ့ကို ပြောထားတယ်.. ကားထဲမှာပဲ စောင့်နေပါ.. သူ လာရှာပါလိမ့်မယ်"
ဆုရှောင်းလန်နှင့် အမျိုးမှန်း တန်းသိနိုင်သော နာမည်ပင်။
ညနေဘက် သူတို့နှစ်ယောက် ကျောင်းရှေ့ရောက်လာသည့်အချိန် ကျောင်းတံခါးဖွင့်စပင် ရှိသေးသည်။ ဆုရှောင်းလန်က တူလေးကို ကားနံပါတ်ပေးထားသည်ဆိုသဖြင့် သူတို့ ကားထဲတွင်သာ စောင့်နေကြသည်။ သို့သော် နာရီဝက်အကြာတွင် ကျောင်းတံခါးဝ၌လဲ လူများ အတော်အတန်ကင်းရှင်းသွားသည်။ ကျန်နေသေးသော ကျောင်းသားတချို့သည်ပင် ကျောင်းဝင်းထဲမှ ပြေးထွက်လာကြ၏။
မိနစ်အနည်းငယ်အကြာတွင်တော့ ကျောင်းသားအတော်ပင် နည်းပါးသွားလေသည်။
ကွမ်းယွမ်အထက်တန်းကျောင်းမှာ တောင်ပိုင်း၏ နာမည်ကြီး ကျောင်းများထဲတွင် တစ်ကျောင်းအပါအဝင်ဖြစ်၏။ ကျောင်းဆင်းချိန် ဖြစ်သည့်တိုင်း ကျောင်းသားကျောင်းသူလေးများက အော်ကြီးဟစ်ကျယ် စကားမပြောပဲ တည်တည်ငြိမ်ငြိမ် ရှိကြသည်။
တချို့မိဘများက 'ဒီကလေး ဘာလို့ ခုထိ ထွက်မလာသေးတာလဲ' 'ဘာများဖြစ်နေလို့လဲ' ဟု တွေးတောပူပန်နေကြချိန် ရှဲ့လင်နှင့် ချီချင်းတို့ကတော့ ကားထဲတွင်သာ အေးအေးဆေးဆေး စောင့်နေကြသည်။ ရှဲ့လင်၏ကားက အတော်မျက်စိပသာဒရှိသည်။ ထို့ကြောင့် ဖြတ်သန်းသွားလာသူများက ကားထဲ အမှတ်မထင် ချောင်းကြည့်ဖြစ်ကြသည်။ ကားထဲမှအမျိုးသားနှစ်ယောက်မှာ ကားရှေ့ခန်းတွင် ယှဉ်လျက်သား ရှိနေကြသည်။ သူတို့ထဲမှ တစ်ယောက်က ကားပြတင်းမှနေ၍ အေးစက်တည်ငြိမ်စွာနှင့် အပြင်ကို ငေးကြည့်နေသည်။ ထိုသူမှာ အင်မတန်ချောမောလှကာ လက်နှစ်ဖက်လုံးကို ဆွယ်တာအင်္ကျီလက်ထဲ ထိုးထည့်ထားသည်။ အသားဖြူလွန်းသောကြောင့် သက်ရှိသတ္တဝါဟုပင် ထင်ရက်စရာ လုံးဝမရှိ။
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...