WHEN A BEKI FALLS IN-LOVE (Published Under PSICOM)

4

 Add my official facebook account (char!) Xian Randal

Official Twitter Account (Char ulit!) @XianRandal

Official Group Page (where you can interact with my characters, their operators, and other readers) search: X.i.a.n.a.t.i.c.s. (may tuldok ha)

4

He’s in front of Candice and Aron Miguel’s house. He desperately needs Candice’s help. Sa ngayon, bukod sa pamilya ay ang kaibigan ang may alam ng kanyang sikreto. At ito rin ang katulong niya sa pagresolba ng kanyang problema. Sana nga lang ay magiging okay ang lahat as soon as possible.

“Babe. Come in.” Nagbeso pa silang magkaibigan. Isang seryosong Aron Miguel ang nakadekuwartro sa sala nila.

“Kumusta, Aron Miguel?” Kung puwede lang tumili ngayon, ginawa na niya. Bakit ba kasi ang guwapo ng asawa ng bestfriend niya?

“Mabuti naman.” He simply answered. Pinandilatan ito ni Candice ng mga mata. “Kumusta ka na?” Tila napipilitan pa nitong tanong, mabuti at  hindi nahalata ni Elvin.

“Ay! I’m so problematic right now, mabuti na lang talaga at to the rescue ang Babe ko.” Nakalimutan niyang asawa ni Candice ang kaharap niya.

“Can you not call my Irog, Babe? It irritates me.” Tumayo na ito at lumapit sa asawa, agad itong inakbayan. Kinurot naman ito ni Candice sa tagiliran.

“Aray naman, Irog! Kasi naman itong kaibigan mo, bakit ka niya bine-Babe?” Parang bata sa sabi nito. Talaga naman, Aron Miguel.

Nakangiting nakatingin lamang sa kanila si Elvin. He really finds the two cute. You could really feel that they both love each other. Umaapaw ang pagmamahal sa bawat isa. Bakit bigla siyang nainggit? Kasi naman ang mga crush niya, hindi siya crush. Tulad ni Marcus kay Alexie na, si Ruel naman, meron ng Gabrielle.

“Sorry. I didn’t mean anything on that Babe thingy. I was so insensitive of your feelings. I just got used to it.” Hingi niya ng paumanhin. Natauhan naman si Aron Miguel. ISang debate na naman ito mamaya.

“Sorry rin. Sige, maiwan ko na muna kayong dalawa.” May lakad rin kasi si Aron Miguel, kasama nito ang mga kaibigan niya para sa kanilang bagong business. Aron Miguel gently kissed Candice on the lips before leaving.

“You looked happy and satisfied, Babe..I mean Candice.” Nakaupo na sila.

“Heh! Just don’t mind my Hubby, seloso lang talaga yun, you can still call me, Babe.” Nakita niya kasing alanganin na si Elvin na tawagin siyang Babe.

“No, I should learn to call you, Candice. Ayoko naming majombag (masuntok) ako ng Papa mo. Afraidie Aguilar (takot) ako sa kanya. Mamaya niyang magkapasa ang aking makinis na face.” Maarteng sbi nito. Natawa tuloy si Candice.

“At talagang nagladlad ka na ha.”

“Hindi naman, sa iyo lang. Kilala naman kita, alam mo namang pamintang-durog ako, hindi ko pa inamin sa buong universe na isa akong babae.”

“So, you have a plan to tell the whole universe na babae ka talaga?” She’s very amused right now, sa hitsura ni Elvin, hindi mo alaga aakalaing ganyan siya. Sobrang guwapo, at isa pa sa nirereklamo nito, kahit hindi siya mag work-out, natural na malaki ang kanyang katawan.

“Sa ngayon ay wala akong balak, baka isumpa ako ng aking kamag-anakan pag ginawa ko ‘yun. Alam mo naming makaluma ang kanilalang paniniwala. It’s but unfair!”

Natawa na lamang ang kaibigan. “So? May prospect ka na ba? I mean sa ating plan?”

“Yun nga eh. Wala pa. Ano kaya kung mag-papa advertise na lang talaga ako? I mean, we will just hide my identity. Local newspaper? OR even the broadsheets like PhilStar, Daily Inquirer? Ano, Babe? I mean Candice.”