TOMBOY SEASON 4 (COMPLETED)

The Beginning of M.I - Part 11

"Professor, duduk sini. Ini makanan ko", si Angel menyurung container yang berisi nasi putih dan pinasakan turongou + bambangan kepada professor Madi yang baru siap mandi. 

"Sepa masak?", tanya si professor sambil mengambil bau harum makanan yang menyelerakan itu. (Penulis: Mo pigi kaut nasi lah ni.... )

"Sy lah, sepa lagi", bilang si Angel dengan bangga sambil ketawa mengekek manakala yang lainnya kecuali si Mary menikmati dinner diorang tanpa ada sebarang suara. Pakai tangan lagi tu diorang makan.

"Oh gosh.. ", baru suapan pertama si professor, sudah dia menutup mata sebab mau merasai butul tu perasaan nasi putih panas + kuah pinasakan + isi manis turongou + bambangan...

**Iklan: Penulis rehat lu skijap, mo pigi tukar baju sebab basah kana air liur**

Si Mary yang duduk di depan professor Madi cuma meningu pengajar ensomboi yang makan dengan berselera itu. Rambut dia yang masih basah dengan baju sweater putih dan jeans lusuh longgar serta berselipar jipun bertambah menggugat keimanannya. Dia teringat si Faith cakap tadi yang professor Madi care sama dia. Is he?

"Umm.. ko mau sy bagi sikit makanan sy sama ko kah, Mary?", tanya professor Madi apabila menyedari si blondie menumpukan pandangan kepadanya sahaja. Panas terus muka si Mary apabila kedapatan merenung si professor.

"Cara ko makan tu bah macam orang yang inda makan satu tahun", terpaksa si Mary mencari alasan untuk menutupi malunya. Professor Madi mengecilkan matanya lantas berpindah tempat duduk di sebelah Mary. 

"Kalau macam tu ko kasi suap sy la", bilang Professor Madi sambil menghulurkan containernya kepada Mary. Kalau lah keadaan sekeliling tidak gelap memang nampaklah muka si blondie yang merah macam udang kena salai.

"Mulau", bilang si Mary sambil bangun menuju ke arah khemahnya. James dan Faith meningu si professor sambil tersenyum.

"Kalau ko berjaya menakluk hati si Mary, sy bersumpah akan pakai skirt pindik, kasut tinggi dan bermekap pigi U untuk satu hari", cabar si Faith. Banyak kali sudah dia challenge orang masa di US tapi si Mary will always reject them. Bagi si Faith, professor Madi is no difference sebab ada yang lebih hensem darinya pun tidak dilayan sebab Mary punya expectation for a guy memang really high. Tiada yang sanggup mo melayan si blondie yang selalu menyakitkan hati orang ni.

"Are you serious, Faith!?", terkejut si Angel sampai terberhenti dia menjilat jarinya yang ada sisa-sisa kuah.

"Yes! Tapi valid masa kita di sini saja. Bila kita sudah keluar dari hutan ni, perjanjian itu will  automatically null and void", bilang si Faith mengiyakan offernya.

"Alright, I'll take the challenge but sy tidak berminat mo tingu ko pakai skirt atau mekap", bilang professor Madi yang almost menghabiskan makanannya. Faith mengangkat kening kirinya when si professor said that. Si Angel yang di sebelahnya menghembuskan nafas lega. She don't wanna see Faith to do stupid thing sebab dia prefer tomboy itu berpakaian seperti sekarang ini.

"Well, bagus juga lah. Anyway, ko butul-butul mo takel kakak sy ka?", tanya si Faith sambil meningu si professor yang sudah berdiri dari tempat duduknya.

"Umm.. tingu lah kalau ada masa-masa sy yang tersisa untuk bermain-main sama perempuan", bilang professor Madi sambil mengenyitkan matanya pada Faith. Dia mo kasi signal kepada diorang yang si Mary sedang mendengar perbualan mereka dari dalam khemah.

"Sial butul si professor Madi ni. Apa!? Ko ingat sy terhegeh-hegeh butul sama ko kah?! Puiii! Professor gila!", bilang si Mary saturang memaki dalam khemah. Sakit betul hati dia bila si professor bilang "bermain-main sama perempuan". Dicapainya bantal kecil yang dibawa dari rumah dan menutup mulutnya kuat-kuat.