عائله للرجال فقط

Part 7

"لولو"
صاحت نورسين و هى تندفع لداخل المنزل محتضنه ليلى التى تبتسم بصدمه و استغراب.
"الحقنى يا معتز الشنط هتموتنى"
صاحت نسرين بصوت مكتوم بسبب تلك الحقائب التى تغطى وجهها بالفعل لتهرع نورسين ممسكه بتلك الحقائب.
"اه ،ازيك يا لولو"
صاحت نسرين متسائله و هى تقبل كلتا وجنتى ليلى بموده.
"الحمد لله،و انتى ازيك يا نسرين، تعالى ادخلى نشوف نورسين بتعمل ايه"
تحدثت ليلى و هى تشير إلى نسرين بالدخول لتدلف نسرين تابعه اياها للداخل.
"ازيك يا حماده"
تسائلت نسرين عن حال أحمد الذى اومئ لها بإبتسامه.
"الحمد لله،و انتى اخبارك ايه يا نسرين؟"
تسائل أحمد بإبتسامه لتومئ نسرين بخفه.
" احنا جايين نقعد معاكم يومين، اهل نسرين مسافرين يومين و قالتلى تعالى اقعدى معايا، بس انا قولتلها احنا نروح للولو و حماده و نقعد معاهم احسن، و كمان احنا استقلنا من الشغل يعنى هنقعد طول اليوم معاكم"
تحدثت نورسين بإبتسامه واسعه لتقطب ليلى حاجبيها بإستغراب.
" استقلتم من الشغل! ليه؟ايه اللى حصل؟ "
تسائلت ليلى لتتوتر نورسين و لا تعرف بماذا تجيبها.
" مدير الشغل يا لولو مكدرنا و مبهدلنا على الآخر، حاطط الشغل كله فوق دماغنا، و لو اى حد غلط فى شغله بيتحط علينا احنا، و قولنا و اتكلمنا ميه مره لكن لا حياه لمن تنادى"
حسنا نسرين لم تكذب، هذا حقا ما كان يحدث معهم بالعمل و لكن كانتا تتحملان بسبب تشجيع كل منهما للأخرى.
" يعنى مفيش حاجه تانيه؟ "
تسائل أحمد هذه المره لتومئ له نورسين بالنفى.
" بص يا حماده هى مش اول مره المدير يعمل معانا كدا، بس عارف بقا ان للصبر حدود و احنا جبنا أخرنا بقا"
تحدثت نورسين ليومئ لها أحمد بهدوء و خفه.
"لولو اتصلى بقا بماما و قوليلها انى هبات معاكى انهارده و بكرا، ماشى؟"
تحدثت نورسين لتفهم ليلى ما ترمى اليه نورسين بعدم التحدث عن وجود نسرين هى الأخرى.
" اه يا لولو و خلى نوران كمان تيجى تبات معانا انهارده، بس متقوليلهاش انى موجوده خليها مفاجأه"
فور ان انهت نورسين حديثها نظرت ليلى إلى أحمد الذى اومئ لها بخفه لتنفذ ليلى ما قالته نورسين.
.
.
.
.
.
وصلت نوران إلى منزل ليلى لتقوم ليلى بأخذها للغرفه حيث تفاجئت بوجود نورسين و نسرين.
لاحظ الجميع فتور نوران فى إلقاء التحيه على الفتاتان و اختفاء ابتسامتها التى أتت بها منذ قليل.
جلسوا الفتيات جميعا و ليلى معهم يتناوشون بالحديث ليفيض الكيل بنورسين.
"نوران ممكن اعرف انتى بتعاملنى وحش ليه؟"
صاحت نورسين بنفاذ صبر لتنظر لها نوران ببرود.
"انا مبعملش حد وحش يا نورسين"
جلست نسرين تتابع الحوار الذى سيحتد الان فى اى لحظه بينما ليلى توترت من القادم.
"لا يا نوران بتعاملينى وحش و ببرود كمان"
صاحت نورسين و قد بدأ صوتها فى العلو و كانت ليلى على وشك التدخل الا ان نسرين أمسكت بيدها جاعله اياها تجلس بجانبها مانعه اياها من التدخل.
"متعليش صوتك يا نورسين"
صاحت نوران هى الأخرى و صوتها اخذ فى العلو كذلك.
"لا هعلى يا نوران، هعلى لحد ما اعرف فيه ايه و ايه اللى مغيرك من ناحيتي كدا"
صاحت نورسين بصوت مرتفع جعل وجه نوران يحمر من الغضب.
"و انا هتغير من ناحيتك بتاع ايه اصلا، حوشى العلاقه القويه اللى بينا اوى، فوقى يا نورسين احنا كل الكلام اللى بينا و اللى علينا بيبقى عباره عن مقارنه بينا"
صاحت نوران فى وجه نورسين لتنظر لها نورسين بعينان غاضبه.
"فيه ايه؟"
تسائل أحمد الذى دلف إلى الغرفه فجأه لتمسك به نسرين مجلسه اياه بجانبها الاخر لتكون هى بالمنتصف بين ليلى و أحمد.
" استنى بس اما نشوف النهايه ايه"
صاحت نسرين بخفوت و هى تتابع المشاده الكلاميه أمامها.
"طيب كويس انك عارفه انها عباره عن مقارنه بينا احنا الاتنين، بس عمرك ما كنتى بتتجنبينى او بتتجاهلينى ايه اللى حصل؟"
صاحت نورسين فى وجه نوران التى تنهدت بغضب ناظره إلى نورسين بأعين مشتعله.
" فيه انى زهقت و تعبت من المقارنه دى"
صاحت نوران بغضب ملوحه بيدها فى وجه نورسين التى نظرت لها بغضب مماثل.
" و هو انتى فكرك انى متعبتش انا كمان؟ اتعاملى برقه زى نوران، البسى و اهتمى بنفسك زى نوران، اتكلمى بهدوء و رقه زى نوران، شوفى نوران و اتعلمى منها، انتى فكرك ان ده كله مش ضغط على اعصابى"
صاحت نورسين و قد فاض الكيل بها من تصرفات نوران الغريبه.
"تفتكروا مين اللى هتكسب؟ "
تسائلت نسرين بخفه و هى تتناول بعض رقائق الشيبس ليتجاهلها كل من أحمد و ليلى متابعين الأحداث بتركيز.
" بس رغم ده كله معاملتى ليكى متغيرتش، متجاهلتكيش و لا اتهربت منك، انتى بقا ليه بتعملى كدا؟"
صاحت نورسين مره اخرى لتصرخ نوران بوجهها.
" علشان انانيه"
صمتت نورسين تريد من نوران ان تكمل حديثها.
"علشان انا انانيه، مبحبش حاجه تكون ملكى و بتاعتى و تروح لحد تانى غيرى"
" و انا اخدت ايه منك؟ "
علقت نورسين متسائله بسرعه على ما قالته نوران التى ابتسمت بإستهزاء.
"قولى مخدتيش ايه يا نورسين، ماما و بابا علطول بيتكلموا عليكى، لولو و حماده كمان مبيضيعوش فرصه الا و يدخلوكى فى الحوار، حتى الوحيد اللى معاه قلبى بيتكلم عليكى و متعلق بيكى و دايما بيحطنى معاكى فى وضع مقارنه"
اخذ صوت نوران فى الهدوء و الخذلان.
"قصدك مراد؟"
تسائلت نورسين لتتنهد نوران بقوة غير مجيبه عليها.
" نوران ،صدقينى مفيش حد فى قلب مراد غيرك، و لا هيكون فيه حد، العلاقه اللى بينى و بين مراد عباره عن علاقه اخوه و صحوبيه و بس، مش علشان احنا واخدين على بعض يبقى معنى كدا ان فيه حاجه بينا، الحكايه كلها اننا اخدنا بعض كأصحاب، بنتكلم مع بعض، بنقول اللى مضايقنا لبعض، لكن مفيش حاجه اكتر من كدا، و مراد قالى ميه مره انه بيحبك، و كلامنا كله عموما عنك انتى و انه ازاى يعبرلك عن مشاعره و خوفه لترفضيه، مفكر أن تعلقك بيه ده كان حب طفوله علشان انتى اللى بعدتى عنه فجأه"
وضحت نورسين لتنظر لها نوران بصدمه من ما تقوله.
" انا مبعدتش ،انا..... "
" لا بعدتى يا نوران، انتى الغيره عمتك و خليتك مش شايفه اى حاجه قدامك، خليتك مش شايفه نظرات مراد ليكى، اللى فضحاه جدا يعنى، حتى انا اتاخدت فى الرجلين،لما انتى شاكه فى حاجه و حاجه قلقاكى مجيتيش ليه و اتكلمتى؟ كتمتى فى نفسك ليه؟"
تسائلت نورسين فى نهايه حديثها لتتنهد نوران بقوة غير قادره على الحديث.
" علفكره المفاجأه بقا اللى مراد كان محضرها للكل انه كان هيجمع الكل هنا عند لولو و حماده و يتقدملك، لأنه اتأكد من حبك لما سألتيه عليا، و مراد لما يعرف مش بعيد يعلقنى على الباب بس يلا مش مشكله فداكى يا ست نوران"
انهت نورسين حديثها بإبتسامه لتنظر لها نوران بصدمه و أحمد و ليلى بتفاجؤ.
" و الله كنت متأكده ان نورسين اللى هتكسب، صاحبتى "
انهت نسرين حديثها مربته على صدرها بخفه و ابتسامه واسعه فخوره.
" بصوا و النبى لما مراد يتكلم اعملوا نفسكم متفاجئين لحسن ايده طارشه و ربنا، و غبى فى ضربه و معندوش يا اما ارحمينى، و انا وشى غالى عليا اوى يا نوران و مش مستعده اغيرله عفشه دلوقتى"
انهت نورسين حديثها بمرح لتبتسم لها نوران بخفه محتضنه اياها.
"مبروك يا نوران، و اتمنى سوء الفهم اللى بينا يكون اتحل، و اتمنى بردو نقرب من بعض و تبقى علاقتنا احسن و أقوى بدل ما تكون عباره عن مقارنه و بس"
همست نورسين فى اذن نوران التى اومئت لها بخفه ليبعدن بعد ذلك.
"بقولكوا ايه انا جعانه، هو مفيش اكل؟"
صاحت نسرين لتقوم نورسين بدفعها من وجهها ليقهقه الجميع عليهم و على تصرفاتهم الطفوليه و المضحكه.
العلاقه بين نورسين و نسرين علاقه صداقه قويه اقرب للأخوه.
و علاقه نسرين بعائله نورسين علاقه جيده جدا عدا والديها اللذان طالما كرها نسرين لأسباب غير موجوده حتى، و لكن ليلى و أحمد كانا دائما العكس و يحبان نسرين مثل احفادهم بالضبط.
انتهت أحداث اليوم على ذلك العشاء الأسرى السعيد ليذهب كل إلى غرفته بعد ذلك للنوم.
نورسين و نسرين نائمتان بغرفه، بينما نوران ذهبت لغرفه اخرى.
ذهبت نسرين فى نوم عميق بينما نورسين ظلت مستيقظه متذكره موقف حدث لها منذ زمن،موقف لن تنساه، و مشاعر حُرِمت منها أيضا
.
.
.
.
.
.
.
.
.
.
"يتبع💙"
ازيكم يا جماعه 💜 اجازه اسبوعين من الدراسه هحدث فيهم كل يومين او كل ما الفرصه تسمح❤️
و مع أول يوم اجازه وقعت على رجلى و كانت هتتكسر الحمد لله😌
فوتز كتير بقا و كومنتات كتير شجعونى على الكتابه💚
دمتم فى رعايه الله💕