"တောက်!! ဒီမျက်နှာတွေမမြင်ချင်ပါဘူးဆိုမှ"
"ဒီလူက ဘယ်လိုရောက်လာရတာလဲ"
Blindခပ်ဟဟလေးကြားက တွေ့လိုက်ရသော passenger seatမှဆင်းလာသူဟာ အနောင့် စိတ်ကို ညစ်ညူးစေသည်။ အငြိုး၊ရန်စ၊ အာဃာတရှိလို့ရယ်မဟုတ်ပေမယ့် အရွယ်ရောက်ပြီးမှ မိသားစုအဖြစ်ဆုံကြရတဲ့ လင်ပါ၊ မယားပါ သားတွေက အဆင်ပြေပြေနေနိုင်ကြသည်မှာ ရှားတယ်မဟုတ်လား...။
အိမ်မှာတောင်အတူမနေချင် ဒီမျက်နှာတွေကို တစ်အိမ်ထဲမှာ မတွေ့ချင်တာမို့ ဆင်းရဲဒုက္ခခံပြီး အိမ်ပေါ်ကဆင်းလာကာမှ အပြင်မှာလဲ မတွေ့ချင်ပါ။ ဒီနေရာမှာ ဒီလိုအခြေအနေမျိုးနဲ့ ပိုမတွေ့ချင်ပါ။
မတွေ့ချင်ရခြင်းမှာ လင်းထက်ကို သူ့ အဖေ နောက်အိမ်ထောင်ရဲ့ သားပါ လို့ပြောပြီး၊ ဆောင်းစက်နဲ့ မိတ်မဆက်ပေးချင်သလို။ သူ့အသက်ထက် အများကြီး ကြီးတဲ့ လင်းထက်ကို အကြီးတစ်ယောက်လိုလည်း စိတ်မပါဘဲ အရိုအသေပေးပြီး မဆက်ဆံနိုင်ပါ။ ဒါကြောင့်သူ့ အခန်းထဲသာ၀င်နေပြီး အိပ်ပျော်နေယောင် ဆောင်လိုက်တော့သည်။
"အကို၀င်လေ"
ကားပေါ်က အတူ လိုက်ဆင်းသော်လည်း ဆိုင်ထဲလိုက်ဝင်မလာတဲ့ လင်းထက်ကို ဆောင်းစက်ကခေါ်တော့ ၊ လင်းထက်က ငြင်းသည်။
"ရတယ် အကိုဒီမှာပဲစောင့်လိုက်မယ်"
"ဒါဆိုခဏစောင့်နော်"
ဆောင်းစက်ဆိုင်ထဲ၀င်သွားတော့ လင်းထက် ဆိုင်အရှေ့က ပန်းပင်လေးတွေကို လိုက်ကြည့်နေလိုက်သည်။
သူဘာလို့ အထဲလိုက်မ၀င်လဲတော့ ဆောင်းစက်က မသိနိုင်ပါ။ သေချာတာတော့ လင်းထက်လဲ အနောင်နဲ့ တူတဲ့စိတ်ရှိနေမည်ထင်သည်။ဆောင်းစက် bar counter နဲ့ မုန့်ဖုတ်တဲ့နေရာတစ်၀ိုက်ကို စေ့စေ့စပ်စပ်ကြည့်ကာ ရှာနေသော်လည်း၊ အခန်းသော့နှင့် ပိုက်ဆံအိတ် ကမတွေ့။ မနက်က သူဒီမှာပဲ ကျန်ခဲ့တာပါလို့ တွေးရင်း ထပ်ရှာသော်လည်းမတွေ့။ တွေ့လို တွေ့ငြားဆိုပြီး အနောင့်ကို မေးကြည့်ဖို့ ဆုံးဖြတ်လိုက်သည်။
YOU ARE READING
ဆောင်းစက်ရိပ်ခို (completed)(U+Z)
RomanceOWN CREATING BY OWN IDEAS INCLUDES OWN CHARACTERS...