လင်းထက် လက်သီးကို ကျစ်ကျစ်ပါအောင်ဆုပ်ပြီး အော်လိုက်တယ်။
"တော်တော့ "
"ဘာလဲ အခုတော့ မကြည့်ရက်တော့ဘူးလား"
လင်းထက် ဦးမင်းလွင်အနားကပ်လို့ ဦးမင်းလွင်ကို သေချာ စိုက်ကြည့်လိုက်တယ် ။
"မကြည့်ရက်တော့တာမဟုတ်ဘူး မလုပ်ရက်တော့တာ ခင်များသားဖြစ်ရတာ အနောင် က တကယ် ကံဆိုးတယ် "
"ဘာ..."
"ခေါင်းကအိတ်ကို ချွတ်လိုက် David"
လင်းထက် ပြောသမျှကို လိုက်လုပ်နေတဲ့ David က
လဲနေတဲ့ လူရဲ့ ခေါင်းက အိတ်ကို တဖြည်းဖြည်း ချွတ်လိုက်တယ်။လဲနေတဲ့သူရဲ့ ခေါင်းမှာစွတ်ထားတဲ့ အိတ်က တဖြည်းဖြည်းနဲ့ မျက်နှာ ပြင်အထက်ကို တက်လာပြီး နှာခေါင်းကိုကျော် ၊ နှဖူးအထက်ကိုတက်လို့ အိတ်နဲ့ခေါင်းနဲ့ သီးခြားဖြစ်သွားတယ်။
"ဟင်..."
ဦးမြတ်စံ ပါးစပ်က အာမေဋိတ်သံဟာ တုန်တုန်ယင်ယင်နဲ့ ပါးစပ်ဖျားနားမှာသာ ဝဲပျံပျောက်ရှသွားတယ်။
"သား လင်းထက်"
"အမေ ...... ဆောင်း...စက်" လင်းထက် သူ့အမေခေါ်သံရှိရာ လှည့်ကြည့်မိတော့ ဆောင်းစက်ကိုပါ တပါတည်းတွေ့လိုက်ရတော့ အံ့အားသင့်သွားရပြန်တယ်။
***
အနောင် လင်းထက်ကိုရှာဖို့ ထွက်လာတော့ ကားတစ်စီးက သူ့ကားနောက်က ကပ်ပါလာ သည်။ လူပျက်တဲ့ အချိန် မှာ အနောက်က ကားက ဟွန်းသံရှည်ပေးလို့ အနောင့်ကားကို ကျော်တက်ဖို့ပြင်တော့ အနောင်က ကားကို ဘေးကပ်ရင်လို့ ကားပေါ်ကဆင်းကြည့်သည်။
အနောင် တစ်ဖက်ကားပေါ်က ဆင်းလာတဲ့ လူကို သေသေချာချာကြည့်မိတော့ ၊ Christmas ညက အစ်ကို ဆောင်းစက်ကို ဓါးနဲ့ထိုးသွားတဲ့လူ ၊ ဒါဆိုဒီလူက Davidပေါ့။ အနောင် စကားပြောဖို့ ထိုသူ့အနား ကိုကပ်သွားတော့၊ Davidရဲ့ ကျင်စက်နဲ့ရုတ်တရက် တိုက်ခိုက်မှု့ကြောင့် အရေးနိမ့်ခဲ့ရတော့သည်။
![](https://img.wattpad.com/cover/241388850-288-k98525.jpg)
YOU ARE READING
ဆောင်းစက်ရိပ်ခို (completed)(U+Z)
RomanceOWN CREATING BY OWN IDEAS INCLUDES OWN CHARACTERS...