အခန်း (၁၄)
ညစာ စားဖြစ်ကြတော့ အိမ်က ထမင်းစားပွဲမှာ လူစုံနေသည်။ ဦးရာပြည့်ငြိမ်း၊ ဒေါ်ရာစုပြည့်၊ ဒေါ်လုံးလုံးတို့အပြင် မြတ်ဋီကာပါ ရှိနေ၏။
အလုပ်ကိစ္စတွေနဲ့ ရှုပ်ထွေးနေတတ်ကြသော တူဝရီးနှစ်ယောက်က မိသားစု ထမင်းစားချိန်တိုင်း ဆုံဖြစ်ဖို့ဆိုတာ မလွယ်ပါ။
"ငြိမ်း ..."
ထမင်းစားနေရင်းနဲ့ ဒေါ်ရာစုပြည့်က မောင်ဖြစ်သူကို ခေါ်လိုက်သည်။
"ဗျာ .. ဘာလဲ မမ ..."
"မန္တလေးက သင်းလဲ့အေးတို့ မင်္ဂလာဆောင်ကို သဘက်ခါသွားရမှာနော် ...မင်းသတိရတယ်မို့လား ..."
"ရပါတယ် မမရဲ့ ...အဲဒီကို သွားဖို့ ကျွန်တော့်အလုပ်ကိစ္စတွေတောင်မှ အချိန်ရအောင် လုပ်ထားသေးတယ် ..."
"အင်း သတိရရင် ပြီးတာပါပဲ ...မေ့နေမှာစိုးလို့ သတိပေးတာ ...ဒါနဲ့ ကိုဆေးလေးရော အားရဲ့လား... သူဘာပြောသေးလဲ ...မင်္ဂလာဆောင်ကို လိုက်ဖို့ ..."
ဆေးရဲ့ နာမည်ပါလာ၍ ဋီကာ့အကြည့်က မေမေ့ထံ ရောက်သွားရသည်။
"သူလိုက်မှာပါ ...ကျွန်တော့်ကို ပြောတယ် ...အလုပ်ကနေ ခွင့်သုံးရက်လောက်တော့ ယူရမှာပေါ့ ..."
"ဪ လိုက်ဖြစ်တယ်ဆိုရင် ပြီးတာပါပဲ ...သင်းလဲ့အေးတို့ မောင်နှမတွေက ကိုဆေးလေးကို လာစေချင်လွန်းလို့ ဖိတ်ထားကြတာ ..."
"ဘာလဲ ကိုကိုကပါ မင်္ဂလာဆောင်လိုက်မလို့လား ..."
"ဟုတ်တယ် သား ...ဘာဖြစ်လို့လဲ ..."
"သူက ဘယ်လိုက ဘယ်လို မန္တလေးက ကျွန်တော်တို့ အမျိုးတွေနဲ့ ဆက်စပ်သွားတာလဲ ..."
မန္တလေးမှာ နေကြသည့် ဆွေမျိုးနီးစပ် တစ်ယောက် မင်္ဂလာဆောင်မဲ့ ကိစ္စမှာ ကိုဆေးက ဘယ်လို အခန်းကဏ္ဍကနေ ပါဝင်ပတ်သက်နေသည်လဲ။
"ဪ ဒီလိုလေ ...ပြီးခဲ့တဲ့နှစ်က အမေနဲ့ ငြိမ်းတို့ မန္တလေးကို ဘုရားဖူးသွားရင်း သူတို့ဆီ အလည်သွားဖြစ်သေးတယ် ...ငြိမ်းက ကိုဆေးကိုပါ ခေါ်လာခဲ့တာလေ ..."
"အန်ကယ်လေးက ဘာလို့ ခေါ်သွားတာလဲ ...ကိုယ့်အမျိုးတွေဆီ သွားလည်တာကို သူစိမ်းတစ်ယောက်ကို ခေါ်သွားတာလား ..."
YOU ARE READING
အချစ်တွေနဲ့ ဧည့်ခံလှည့်ပါ
Romance(U&Z) Boy Love အမုန်းတွေနဲ့ မဟုတ်ဘဲ ... အချစ်တွေနဲ့ ဧည့်ခံပေးပါ ...။ ဒါက နူးညံ့စွာ တောင်းဆိုခြင်း မဟုတ်ပေမဲ့ ရက်စက်စွာ အမိန့်ပေးခြင်းလည်း မမည်ပါဘူး။ (Started On - 4/September /2020) အမုန္းေတြနဲ႔ မဟုတ္ဘဲ ... အခ်စ္ေတြနဲ႔ ဧၫ့္ခံေပးပါ ...။ ဒါက ႏူးညံ့စြာ...
