တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)

🦋32🦋

Unicode
တိမ်ယံလွှမ်းတဲ့တောင်

                      🦋32🦋

        ဥယျာဉ်ထဲတွင်တော့ တောင်ပိုင်း အိမ်ရှေ့စံမင်းသား လော့ယွင်က ဟွမ်ကျင်းရွှေကို ချင်းချုံး၏အစားအသောက်များကို သေရည်ကောင်းတစ်ခွက်နှင့် တည်ခင်းဧည့်ခံနေတာ ဖြစ်သည်။ နွီအော်က ချင်းချုံးမိသားစုအပေါ် ကျေးဇူးရှိခဲ့ဖူးသည့်အပြင် ဟွမ်ကျင်းရွှေအကြောင်းကိုလည်း ပြောပြထားခဲ့ဖူးသည်။

        ထို့ကြောင့် လော့ယွင်သည် ဟွမ်ကျင်းရွှေ၏ နတ်ဆိုးသားရဲသွေးကြောများကို မြင်တာတောင် တုန်လှုပ်မသွားသည့်အပြင် ပျောက်ကင်းအောင် ကုသပေးဖို့အထိ ဆွေးနွေးခဲ့သည်။

        လော့လော်သည် ယဲ့ရှားလုံကင်ပေးတဲ့ ငါးကင်ကို အားရပါးရ စားရင်းလျှောက်လာလေသည်။

"ငါတို့ချင်းချုံးက ငါးကဒီလောက်တောင် အရသာရှိတာလား..."
"ဘယ်လိုလဲ ငါကင်ပေးတာ ကောင်းတယ်မဟုတ်လား"

"အင်း... နောက်နေ့ကျရင် ကျင်းကိုကို နဲ့ ရိယုံကိုပါ ခေါ်ပြီး ငါးသွားမျှားကြမယ်... ပြီးရင် ယဲ့ယဲ့က ကင်ပေးရမယ်နော်..."
"အင်း...."

        သူတို့နှစ်ယောက် ဥယျာဉ်စားပွဲဝိုင်းက ဟွမ်ကျင်းရွှေတို့အနား ရောက်ခဲ့သည်။ လော့ယွင်သည် ဟွမ်ကျင်းရွှေထက် အသက်ကြီးသော်လည်း ရုပ်ရည်အရာမှာတော့ ငယ်ရွယ်နုပျိုနေဆဲပင်။

"အစ်ကိုကြီး...."
"လာပြီလား.... အရူးမလေး...."

"စားကြည့်...."

        ငါးကင်တစ်ဖဲ့ကို လော့ယွင်ပါးစပ်ထဲ ထိုးထည့်ပေးပြီးနောက် ဟွမ်ကျင်းရွှေဘေးတွင် ဝင်ထိုင်လိုက်သည်။

"အွန်း.... စားကောင်းသားပဲ ဒါနဲ့သူက...."
"ညီမလေးရဲ့သူငယ်ချင်းပါ ယဲ့ရှားလုံတဲ့.... "

"တောင်ပိုင်းအိမ်ရှေ့စံမင်းသားကို ဂါဝရပြုပါတယ် "
"ထပါ.... မင်းလည်း ဝင်ထိုင်လေ"

"မထိုင်ဝံ့ပါဘူး... ကျွန်တော်မျိုးမ အလုပ်ကိစ္စလေးရှိသေးလို့..."
"ဘာမှမရှိဘူး...."

       လော့လော်သည် ယဲ့ရှားလုံစကားကို ဖြတ်ပြောပြီး ယဲ့ရှားလုံအဝတ်စကို စောင့်ဆွဲကာ သူတို့နဲ့အတူ ထိုင်စေ၏။ ထို့အပြင် လော့လော်သည် ယဲ့ရှားလုံဘက်သို့ ပိုပိုတိုးသွားသေးသည်။ ယဲ့ရှားလုံမှာ ဘေးသို့ဆက်တိုးသည်။