وتلاقت الأرواح

البـارت الأول

الحزن يرهم :

الحزن نوبات ربعك

الحزن مو إلا دمعك

الحزن مو شرط ظلمه .. بالضوه هم يبچي شمعك

الحزن ناس أتعرفهم عودوك بكثر طبعك ..

مشو سكته ...

الحزن نوبات سكته .

الحزن مو عظ أصبعك
......
تبچي وحدك
ما تريد أحد يسمعك

ولو هم بيناتهم محد يسمعك !!

ترتجي الظلمه التسترك من دموعك

بعد يا گمره التنفعك ؟!

وماكو ترچیه التلوگ لماي روحك

ولا أشراع لصوب ( ماتسوه ) يدفعك

تريدلك واحد يقنعك ليش تخسر ؟ !!

ليش دولابك غشيم وماعرف بالناس يفتر ؟!

تبچي من تذكر أصابيعك شمعهم

من يغربونك وتصغر !!

من يشطبونك وتلتم .. گوه تلتم .. خاف تعثر

من يخنگك چف غرفتك

من تشوف لحد غشه عيونك غربتك

تالي بس ع البچي تگدر ..!!

..

.. #وتلاقت_الأرواح

..#فاطمه_أحمد

°• البارت الاول °•

☆☆☆☆☆

كاعده بحديقة كبيره وسانده نفسي بـ اديه ومغمضه وداير مادايري ورد باوعت اجه ولد من بعيد يتمشى ويجمع ورد من شفته اجه باتجاهي عفته وكمت ..
بقيت اتمشى بين الزرع الا ان هو صاحني ..
ـ " يبنيه "

ماباوعتله ولا التفتت وبقيت اتمشى سريع وادردم بين وبين نفسي هذا منوو وشيسوي لاحكني مايستحي!! ماحس الا هو وراي ولزم ايدي التفتت عليّ سحبني بدون مايحجي شي ، وكعدني على تل تراب ، وكعدنا نتقاسم بالورد اخذت الباقه الي سواها وشميت الورد جوري مثل الي مزروع بحديقتنا وبعد احلى ، باوعتله وابتسمت وخليت راسي على جتفه وغمضت ..

فزيت من الحلم عرگانه حييل .. شنو من حلم هذا ياربي دخيلك ..
باوعت للساعه 4 ونص ، شمرت البطانيه ورحت للمطبخ غسلت وجهي وسحبت بطل مي بارد من الثلاجه .. شربته جره وحده من العطش