وتلاقت الأرواح

البـارت التاسع والأربعون

.. #وتلاقت_الأرواح

..#فاطمه_أحمد

°• البارت التاسع والأربعون  °•

الدكتوره وهي تنزع الكمامه من وجها دنگت وفرگت اديها ، رفعت راسها وهمست :- كدرنا ننقذهم ..

كالت هيج وكلها صاحت :- اللهم صل على محمد وآل محمد ..
الف الحمد الله والشكر

تقدم عمو خالد :- وشلونها بنيتي هسه؟

ـ بخير أن شاء الله ، شوي راح ننتظر تكعد ونسوي فحوصات نتأكد مابيها شي ونخليكم تشوفوها

ـ والطفل؟

ـ الطفل لأن اجه بـ شهر مُتقدم عن موعده بالإضافة إلى الضربات الي تعرضت الها دكتورة علياء فَ وضعه جان بي خطورة تتطلب نخلي بـ الخدج ..

راحت واني تقربت يم هِـشام حضنت اديّ بـ ايد وأيدي الثانية على كتفه وهمست قريب وجهه :- الحمد الله مابيها شي

ـ الحمد الله ..

رحت يم عمه إقبال :- عمه كومي اخذج اغسل الج وهم بلكي على مانروح ونجي هم تصير زينه وتكعد

صاح هشام من وراي :- لا وين رايحه اكعدي وسكتي عمتي جنة تاخذها

جنة ـ عابتلك عود تغار امشي خيه ..

التفتت لـ هشام :- لا عمه ابقي أنتِ هم تعبانه هِـشام هو يوصلنا

جنة ـ ولج وين يوصلج يدخل وياج حمامات النسوان

هشام ـ لا لا معليچ ديلا امشي فضوها ..

انتجت عمتي إقبال على ايدي وصلتها للحمامات وهِـشام برا وكف ينتظرنا .. غسلت وجها وفتحت الشيلة مالتها غسلت ركبتها واديها ورفعت شعرها ..

من الخرعه محد عرف شنو يلبس .. اتصل بينا السيد يرجف ويحجي مافتهمنا غير علياء بالمستشفى ..

طلعنا واخذها من ايدي هِـشام ، دنك يهمس يم راسها :- شلون صرتي يمه؟

هزت راسها بلا ماتجاوب .. رفعت راسي :- هـِشام جيب شي ياكلوا هي وعمو لايطلع نازل السكر لو الضغط ويوكعون من جديد ..

ـ اي ماشي

رجعنا لـ مكانا على ما سووا الفحوصات وتأكدوا العملية نجحت بس رحمها متأذي كلش والدكتوره كالت من ترتاح احجي وياها بـ موضوع رفع الرحم ..

كلنا انقهرنا ليش من اول طفل هيج يصير بيها ..
التفت السيد لـ هِـشام وصاح اله على جهه :- هشام خويه بس شوي

التفت اله هشام وراح وياه وكفوا على جهه يتناقشون بس هشام عيونه صارت بـ كصته راد يمشي .. ولزمه السيد يحجي ويا ويأشر اله على علياء ..

كعد هِـشام ويهز بـ رجله سرريع وجگارة ورا جگارة ..
إلا أن كعدت علياء كلها التمت عليها فرحانه وتحمد الله وتشكره ..