..
.. #وتلاقت_الأرواح
..#فاطمه_أحمد
°• البارت التاسع °•
☆☆☆☆☆
كاعده أحضر دولمه لغدا باجـر واتصلت ريم
ـ ها ريمه
ـ ندى .. لج خالد عرف بالحمل وهسه كلب البيت فوك راسي خاتله بالغرفه وهسه هو بالصاله يكسر بالاغراض ويغلط ويعيط
ـ عزا بعيني وهسه شلون
ـ ماادري
ـ أنتِ اكعدي اهدأي خلي يعيط ويهدأ وحده
ـ واذا طلع كلامه صدُك؟
ـ يا كلام؟!
ـ يكولي "اخاف عليج لتموتين"!!
ـ اسم الله شنـو هالحجي ياعيني .. أنتِ اهدأي ولاتفكرين بالموزين ، تمام؟
جرت حسره وسكتت ، سألتها :-سويتي اجازتج؟
ـ اليوم كملتها وباجر ادزها
سكتنا .. واسمعها تحجي وي بنتها علياء تسميها "علوه"
ـ علوه يوم لاتضربين اخوج بعد
ـ بس ماما هو يطربني (يضربني)
ـ من يضربج ضربي بس لاتضربي بدون سبب
ـ اوك
رديت
ـ بعدهم يتعارگون هي وجلال؟
ـ اي بعـدهم ، بعدها تغار منه لأن اجه وراها ، شلون هسه ويجي الثاني
ـ بلگي بنيـه وتحبها
ـ كلش !! ، تحب الها احد هي
ـ هههههههههههههه
سكتت وهي سكتت ، همست :- ريمـه
ـ ها كلبي
ـ لاتجيبين طاري الموت على لسانج بعد
ـ شسوي ندى الدكتوره خرعتني تكولي ماكو امل اعيش ابد
ـ العمر بـ أيد الله مو بيد الدكاتره ..
ـ والنعم بالله
، يلا انـي راح اروح هذول بدوا يتعاركون
ـ بيباي
سديته منها وكملت لف الدولمه ورحت نومت الجهال ونمت ..
.
.
.
.
.
.
.
ريـم :-
سديت الموبايل والتفتت لـِ علياء تجر جلال من شعـره وذاك يدفر بيها .. ركضت عليـهم وفرقتهم
ـ هاي شدسوون ماما عيب ميصير انتم اخوان !
ـ ماما باگ لعبتي
ـ جذابه
التفتت اله بخزره :- جلال ماما اعتذر منها ورجع لعبتها .. ماما اني تعبانه مالي خلك مشاكلكم بعد
