.. #وتلاقت_الأرواح
..#فاطمه_أحمد
°• البارت الرابع والأربعون °•
لَمْ يَعُدْ مَسموحاً لَكِ:
اَنْ تُغادِري اَقاليمي الاِستِوائيَةْ
فَصَدري هوَ آخِرُ شاطِئٍ رَملي
تُريحينَ عَلَيهِ رأسُكِ المُتعَبْ
آخِرُ مَنفىٰ،يَفتَحُ اَمامَكِ اَبوابَهْ
و يَمنَحُكِ جِنسيَتُهُ و رائِحَةَ الحُريَةْ
نـزار قبانـي
..اشتريت بطل مي وكعك من الكشك الموجود يم المحطه وطلعت للشارع
اجرت تكسي وصعدت .. التفت عليّ السايق بـ سؤال ..
ـ عموو وين توصلين؟؟
صفنت وجريت حسرة ارجع الهم ؟!
هم يكولون عندها خاله!
بـ الأخص بعدما تطلگت خالتي من حكيم .. شنو حجتي حتى مااكعد عدها ؟؟!
ذبيت نفس وهمست اله :- وديني لـ٠٠٠٠٠٠
ـ صار بنيتي
درت وجهي للشباك .. اباوع البصرة صايرة تجنن ولا عبالك غبت عنها ٨ اشهـر!!
باوعت لـ موبايلي واتذكرت :- عمو بس اريد اشتري شريحة بس كون مكان موثوق
ـ اي عمي تدللين بس هسه شوي منا
ـ مشكور عمو متقصر
شوي ونزلني يم مكتب ونزلت انطيتهم مستمسكاتي وانطوني جديدة ..
اخذتها وركبتها ..
صعدت بـ السيارة وتوجهت للبيت اتصلت على خالتي ثواني واجاني صوتها :- الوو
ـ الوو خاله وين جنتي يومين اتصل بيـج
ـ يااا فُلة شو شنووو هذا رقم عراقي؟ رجعتي؟
ـ اي خالة وجنت رايدة اجي بس بيتكم الجديد مااعرف مكانه واتصل محد يرد عليّ!
لاانتو ولا بيت عمو خالد
ـ يمممه سوده بوجهي ولچ الموبايل جان مخلص شحن وشامرته
.. منو يتصل بيه! رحتي من بالي وعلي ، بس دكوليلي يممه شرجعج؟
ـ صارت سالفة خاله والله ستر اني هسه بـ أمان
ـ يممممممه بنتي .. شصار ولچ
ـ بعدين اسولفلج خاله وصلت لـ بيت عمو خالد
ـ اني من يجي ابراهيم لو مهيمن اخليهم يجيبوني الج ..
ـ تمام ..
سديته منها ونزلت من التكسي .. انطيته فلوس وراح ..
دگيت الباب ..
طق طق طق
واجاني صوت عمه إقبال :- اجيت اجيت
بلعت ريك والتفتت اباوع للشارع .. فتحت الباب ومجرد شافتني شهگت :- يممممممه .. بنيتي فلهههه
حضنتها وشهكت :- عمه مشتاقتلج هواي
ـ ااوووف يابعد عمتج انتِ دُخلي ..
