.. #وتلاقت_الأرواح
..#فاطمه_أحمد
°• البارت السادس والأربعون °•
يا گلبي
يالما بيك ظنّة
اركد ولك ..
مامش محنة
لا بـ الغريب و لا بـ هلنا ..
ميلت راسي على كتفي واني اباوع اله ، واكف يرتب بـ شعره بـ ايد والايد الثانية لازم المشط ..
عدلت كعدتي ونزلت رجلي بـ الكاع اريد انزل من الجرباية وصاح :- وييين ويين
ـ اريد اخلي حُمرة شفايفي فاهيات
ـ هههههههه ، اني اجيبها ياهي تردين؟
ـ انت وين تعرف خلي اكوم
ـ اكعدددي
رجعت راسي على تاج الجرباية ومديت رجلي صفح ، بقى يدور بـ علبة المكياج ..
جريت المخده خليتها بـ حضني وخليت ايدي على خدي وصافنه عليه ، طلع كل اقلام الحمر ورفعهن :- منو تريدين اشو كلهن يتشابهن
ـ ههه انتَ اختار الي تعجبك
جاب وحده لونها ماروني غامق ، انطانياها ، رفعت عيوني عليه بـ طلب :- مراية؟
ـ شو دتعاي عليمن المراية
سحب الحمره من ايدي وصاح :- ارفعي راسج
ـ شدتسوي؟؟
ماجاوبني .. انتجيت على خشبة الجرباية ، وهو صعد على الجربايه وفتح قلم الحمره ، بللت شفتي وكعد يخلي الحمره ومركز على شفتي واني تايهه بـ عيونه همست بـ هدوء :- اني شنو سويت لـ ربي حتى رزقني بيك
ابتسم وهو ساكت ، شمر الحمره وبعده بـ نفس وضعيته .. دنك باس عيوني :- احبـچ لـ أخر يوم بـ عمري ..
ـ لاتعوفني بـ يوم
ـ مخبل واعوفج؟
تمدد بـ صفي وعيونه رافعهن بـ وجهي .. رفع ايده رفع شعري النازل على وجهي ، ابتسمت واني اتلمس لحيته :- احبـك
ـ لا تتحارشين بابا
ابتسمت وحجيت بـ دلع :- شسووويت!
كرص خشمي وتقرب يم وجهي :- علة گلبي استچنييي
ـ ماا
ـ ياابوووية
ـ احبك احبك حبيبي
جر حنچي وباسه ، رفع راسه وسحب نفس :- افيييش ياا ريحة الجنه
.. بقينا كاعدين وهو يتغزل واني نايمه على صدرة وايده على بطني ..
دخلت شهر السابع ، الرحم نازل وضعي حييل متعبني بعدني بداية الاشهر الاخيرة بس بطني ثكيلة مامتعودة على هيج ثگل ..
قاطعنا صوت الموبايل ، سحبه رضا وانطاني :- هاي صديقتج
اخذته منه شفتها سنا .. رفعت جسمي منه وعدلت كعدتي :- هلاوو سناا حبيبتي
ـ هلا بـ الغايبة ومطولة الغيبه لچ كالوها حامل وماخذه إجازة اني شعليه ماخذه إجازة عليّ هم !!
