.. #وتلاقت_الأرواح
..#فاطمه_أحمد
°• البارت الثامن والأربعون °•
انه الـ ماعنده حظ بـ هاي دنياي
انه الـ بس المصايب توكف وياي
انه الـ مايدري منه الدنيا شتريد
انه الـ ماعنده واهس حتى للعيد
انه الـ محد ينشده شبي مابي
انه الـ لا عاف ولفه ولا ماشي
انه الـ خيّر الما مذكور بالخير
.. حَنين ومامخلي بـ خاطر الطير
انه الـ خلصت حياته احااا بـ احاا
وانه الـ ماعنده وادم توكف وياا
..
اضحك والفراك يكود بيّ
مدري لـ يا مذلة ويا أذية
.. حَيلي وهيبتي ودمعات العيون
.. خلصن بس معزتك هي هي
جلال ـ شبيكم دخيييل محمد أحد يفهمني ، لجج علياء شبيها امي؟
علياء ـ ماادري والله من شافت البنية وسمعت بـ اسم ابوها كالت ماتفيدنا وخل نرجع ، البنية يادوب لحگنا شفناها
جلال ـ شبي اسم ابوها رحمه للكائنات
يمممه احجيي؟؟؟
إقبال ـ ماكو شي وليدي البنية ماتناسبك
جلال ـ غير اصخم واعرف ليش
التفتت لـ عمي خالد ودنكت تفرك بـ أيدها :- فائق ابوها يصير طليقي السابق ..
حجتها والدمع تجمع بـ عينها .. واحنا كلنا سكتنا من الصدمة .. شنو هاي من صدفة ..
جلال ماعرف شنو يكول بقى كاعد ويهز بـ رجله ..
باوعت لـ هِـشام عيونه عليّ كعدت يمه وهمست بـ خفوت :- وهسه شنسوي خطية جلال!!
هز راسه وبدون مايحجي شي .. الصراحة حسيت الموضوع مبالغ بي يعني وإذا طليقها ، جلال شنو علاقته!!
انتظرت كل واحد يروح لـ غرفته ورحت لـ علياء ..
جانت كاعده بـ غرفتها ، دگيت الباب ودخلت
ـ ها علول شنو شبيج لازمة بطنج تأذييج؟؟!
ـ لا لا بس تقلصات شوي وتعبت لان طريق وسيارة
ـ اني كلت لـ جلال اجلها واني اروح هو مستعجل
ـ خطية والله شفتي شلون وجهه صار احمررر
ـ هو جاي اسألج .. يعني علياء وإذا طليق عمتي مااحس بيها شي جلال ماله ذنب!!
عدلت كعدتها والتفتت الي :- باعي فـله الموضوع مو مثل ماتفكرين .. اني الي اعرفه والي مسولفته الي عمتي جنه .. أمي إقبال جانت متزوجته على حُب بس ورا سنوات اكتشفوا هي ماتخلف وطلگها بعد فترة .. بس تبقى اكو مشاعر اله لان انفصلت عنه مو بـ إرادتها ، جاي تفهميني؟
هزيت راسي ومن بين شفايفي همست :- اممم
ـ اي فَ تشوفها صعبه تخطب بت طليقها لـ إبن رجلها
